അജൈവമാലിന്യം ഇറക്കുന്നത് തടയാൻ ശ്രമിച്ച 23 പ്രദേശവാസികൾ അറസ്റ്റിൽ
1038 views
മലപ്പുറം വീഡിയോസ് സബ്സ്ക്രൈബ് ചെയ്യൂകാവനൂർ പഞ്ചായത്തിലെ അജൈവമാലിന്യം ഇറക്കുന്നത് തടയാൻ ശ്രമിച്ച 23 പ്രദേശവാസികൾ അറസ്റ്റിൽ. ഹരിത കർമ്മ സേന വീടുകളിൽ നിന്നും മറ്റും ശേഖരിക്കുന്ന അജൈവമാലിന്യങ്ങൾ കുറെ മാസങ്ങളായി പഞ്ചായത്ത് ഓഫീസ് പരിസരത്താണ് സൂക്ഷിച്ചിരുന്നത്. ഓഫിസ് പരിസരം വൃത്തിഹീനമായതിനെ തുടർന്ന് ഇത് നീക്കം ചെയ്യാൻ പഞ്ചായത്ത് തീരുമാനിച്ചിരുന്നു. ഇതിനായി ചെങ്ങരയിലെ ഒന്നരയക്കാർ ഭൂമിയാണ് കണ്ടെത്തിയിരുന്നത്. എന്നാൽ മട്ടത്തിരിക്കുന്നിൽ അജൈവ മാലിന്യവുമായി ആദ്യ വാഹനം എത്തിയപ്പോൾ ഇത് പ്രദേശവാസികളുടെ നേതൃത്വത്തിൽ തടയുകയായിരുന്നു. തുടർന്ന് പഞ്ചായത്ത് അധികൃതർ പോലീസിൽ വിവരം അറിയിച്ചു. പോലീസ് എത്തി പ്രദേശവാസികളുടെ പിരിഞ്ഞു പോവാൻ ആവശ്യപ്പെട്ടെങ്കിലും പ്രതിഷേധക്കാർ ഇതിന് തയ്യാറായില്ല. ഇതോടെ പ്രതിഷേധക്കാരെ പോലീസ് അറസ്റ്റ് ചെയ്തു നീക്കി.