നിർമ്മാണം നടക്കുന്ന വീടുകളിൽ വ്യാപക മോഷണം; പൊറുതി മുട്ടി നാട്ടുകാർ
കോഴിക്കോട് വീഡിയോസ് സബ്സ്ക്രൈബ് ചെയ്യൂ
നിർമ്മാണം നടക്കുന്ന വീടുകളിൽ വ്യാപകമായി മോഷണം. നാദാപുരം, വളയം പോലീസ് സ്റ്റേഷൻ പരിധിയിലെ വീടുകളിലാണ് മോഷണം വ്യാപകമാകുന്നത്. ലക്ഷക്കണക്കിന് രൂപയുടെ ഉപകരണങ്ങളാണ് മോഷ്ടാക്കൾ നിർമാണത്തിലിരിക്കുന്ന വീടുകളിൽ നിന്ന് കൊണ്ടുപോകുന്നത്. കഴിഞ്ഞ ദിവസം രാത്രി കല്ലാച്ചി ചീറോത്ത് മുക്കിലെ ചാമക്കാലിൽ ഹാരിസിൻറെ വീട്ടിൽ നിന്ന് ഒരു ലക്ഷത്തോളം രൂപയുടെ ഇലക്ട്രിക്കൽ വയറിംഗ് ഉപകരണങ്ങളാണ് മോഷ്ടിക്കപ്പെട്ടത്. ഈ മേഖലയിൽ നിന്ന് നാലര ലക്ഷത്തിൽ പരം രൂപയുടെ മോഷണമാണ് നിലവിൽ നടന്നിരിക്കുന്നത്.ഇലക്ട്രിക്കൽ വയറിംഗ് ഉപകരണങ്ങളടക്കം മോഷ്ടിക്കുന്ന സംഘമാണ് പ്രദേശങ്ങളിൽ വിലസുന്നത്. കല്ലാച്ചി സ്വദേശി ഹാരിസിൻറെ നിർമ്മാണത്തിലിരിക്കുന്ന വീട്ടിൽ നിന്ന് മോഷണം നടന്നതിന് പുറമെ ജാതിയേരിയിലും സമാനമായ സംഭവങ്ങൾ ഉണ്ടായിട്ടുണ്ട്. ഇയ്യങ്കോട് സ്വദേശി മൊട്ടേമ്മൽ നൗഷാദിൻറെ വീട്ടിൽ നിന്ന് 80,000 രൂപയുടെ സാമഗ്രികളാണ് കളവ് പോയത്.