Mysterious death: യുവാവിന്റെ ദുരൂഹമരണം: അന്വേഷണം ഊർജിതമാക്കി പോലീസ്
1106 views
കോഴിക്കോട് വീഡിയോസ് സബ്സ്ക്രൈബ് ചെയ്യൂബൈക്ക് യാത്രികനായ യുവാവിനെ മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം തുടങ്ങി. കുരുവട്ടൂർ പറമ്പിൽക്കടവ് ആണിയം വീട്ടിൽ ശശിയുടെ മകൻ വിഷ്ണു (30) വിന്റെ മൃതദേഹമാണ് തടമ്പാട്ടുതാഴം - കണ്ണാടിക്കൽ റോഡിലെ നേതാജി വായനശാലയ്ക്കു സമീപമുള്ള ഓവുചാലിൽ കണ്ടെത്തിയത്. സംഭവം ബൈക്ക് അപകടമാണെന്ന പ്രാഥമിക നിഗമനത്തിലാണ് പോലീസ്.ആഴമുള്ള ഓവുചാലിൽ കമഴ്ന്നുകിടക്കുന്ന നിലയിലായിരുന്നു മൃതദേഹം. സമീപത്തായി ബൈക്കും ഹെൽമെറ്റും ഉണ്ടായിരുന്നു. അപകടമുണ്ടായ സമയത്തെക്കുറിച്ചോ അപകടകാരണത്തെക്കുറിച്ചോ വ്യക്തത വന്നിട്ടില്ല. നിയന്ത്രണം നഷ്ടപ്പെട്ട ബൈക്ക് റോഡിൽനിന്ന് തെറിച്ച് ഓവുചാലിലേക്കു പതിച്ചതിന്റെ അടയാളങ്ങൾ റോഡരികിലുണ്ട്. സമീപത്തെ വീട്ടിലുള്ളവരാണ് ഇന്നു രാവിലെ എട്ടുമണിയോടെ ഓവുചാലിൽ ഒരാൾ വീണുകിടക്കുന്നതു കണ്ടത്. തുടർന്ന് പോലീസിൽ വിവരമറിയിക്കുകയായിരുന്നു .ചേവായൂർ പോലീസെത്തി പരിശോധനയും ഇൻക്വസ്റ്റ് നടപടികളും പൂർത്തിയാക്കിയ ശേഷം മൃതദേഹം പോസ്റ്റുമോർട്ടത്തിനായി മെഡിക്കൽ കോളേജ് ആശുപത്രിയിലേക്കു മാറ്റി. ബോക്‌സിങ് പരിശീലകനാണ് വിഷ്ണു. പലയിടങ്ങളിലായി പരിശീലന ക്ലാസുകൾ എടുക്കുന്നുണ്ട്. പുലർച്ചെ ഇതിനായി പുറപ്പെട്ടപ്പോഴാകാം അപകടമുണ്ടായതെന്നാണ് കരുതുന്നത്. പറമ്പിൽബസാർ ഭാഗത്തുനിന്നാണ് ബൈക്ക് വന്നതെന്ന സൂചനകളാണ് സംഭവസ്ഥലത്തുനിന്ന് ലഭിച്ചത്. ഇതുസംബന്ധിച്ച കൂടുതൽ വിവരങ്ങൾ ബന്ധുക്കളിൽ നിന്ന് ശേഖരിക്കുമെന്ന് പോലീസ് അറിയിച്ചു.ദിവസവും നിരവധി വാഹനങ്ങൾ കടന്നുപോകുന്ന തിരക്കുള്ള പാതയാണ് കോർപറേഷൻ പരിധിയിൽപ്പെട്ട തടമ്പാട്ടുതാഴം - കണ്ണാടിക്കൽ - പറമ്പിൽ ബസാർ റോഡ്. ഈ റോഡിന്റെ ഇരുഭാഗത്തും ആഴമുള്ള ഓവുചാലുകളാണുള്ളത്. വീടുകളിലേക്ക് പ്രവേശിക്കാൻ സ്ഥാപിച്ചവയൊഴികെ മറ്റിടങ്ങളിലൊന്നും സ്ലാബുകളില്ല. വിഷ്ണുവിനെ മരിച്ച നിലയിൽ കണ്ടെത്തിയ ഭാഗത്ത് നിർമാണം നടക്കുന്ന കെട്ടിടത്തിലേക്കു പ്രവേശിക്കാൻ സ്ലാബ് ഇട്ടിട്ടുണ്ട്. ഇതിനടിയിലായാണ് മൃതദേഹം കണ്ടെത്തിയത്. സ്ലാബ് ഇല്ലാത്ത ഭാഗത്തുകൂടി ബൈക്ക് ഓവുചാലിലേക്കു പതിച്ചുവെന്നാണ് സംശയിക്കുന്നത്.ഓവുചാൽ ഏറെ ആഴമുള്ളതായതിനാൽ ആരെങ്കിലും വീണാൽ റോഡിൽകൂടി പോകുന്നവരുടെ ശ്രദ്ധയിൽപ്പെടണമെന്നില്ല. ഇതുകൊണ്ടാകും ഇതുവഴി പോയവരാരും സംഭവം കാണാതിരുന്നതെന്നാണ് പോലീസ് കരുതുന്നത്. ഇതേ റോഡിലെ ഓവുചാലിൽ വീണ് മുൻപും ആളുകൾ മരിച്ചിട്ടുണ്ടെന്ന് പ്രദേശവാസികൾ പറഞ്ഞു. അപകടത്തെക്കുറിച്ചു വ്യക്തത വരുത്താൻ സ്ഥലത്തിനു സമീപത്തെ സിസിടിവി ദൃശ്യങ്ങൾ ഉൾപ്പെടെ ശേഖരിച്ച് വിശദമായ അന്വേഷണമാണ് നടത്തുന്നതെന്ന് പോലീസ് അറിയിച്ചു.
അനുബന്ധ വീഡിയോ
പട്ടാമ്പിയിൽ യുവതിയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തിയ സംഭവം കൊലപാതകമെന്ന് പോലീസ്വാർത്തകൾ216
views
KS Hariharan: ആർഎംപി നേതാവ് ഹരിഹരന്റെ വീടിനുനേർക്ക് ആക്രമണംകോഴിക്കോട്
Youth Shot Dead In kuttikol: ജ്യേഷ്ഠൻ അനുജനെ വെടിവെച്ചുകൊന്നു, സംഭവം കാസർകോട് കുറ്റിക്കോൽകാസർഗോഡ്279
views
Kerala Weather: കോഴിക്കോട് കനത്ത ചൂട്, പിന്നാലെ പനി കേസുകളും കൂടുന്നുകോഴിക്കോട്
ഇത് മാതൃകാപരം: യുവതിയുടെ മൃതശരീരം വഹിച്ച് പോലീസ് സംഘം നടന്നത് 20 കിലോമീറ്റർവാർത്തകൾ328
views
ആവേശം കൊടുമുടിയിലെത്തിച്ച് കോഴിക്കോട്; കൊട്ടിക്കലാശം പൂർണംകോഴിക്കോട്
ജോഷിയുടെ വീട്ടിൽ കയറിയ കള്ളൻ ചില്ലറകാരനല്ല, ഭാര്യ പഞ്ചായത്ത് പ്രസിഡണ്ട്, ഒടുവിൽ ആ കാർ തുണച്ചുവാർത്തകൾ298
views
Shafi Parambil: സിപിഐഎം അക്രമരാഷ്ട്രീയം ഉപേക്ഷിക്കുന്നില്ലെന്ന് ഷാഫി പറമ്പിൽകോഴിക്കോട്
വയനാട് സിദ്ധാർഥിൻ്റെ മരണം; പ്രതികളുമായി ഇന്നും തെളിവെടുപ്പ്, പ്രതികളെ എത്തിച്ചത് കുന്നിൻ മുകളിൽവയനാട്708
views
ടാർ വീപ്പയിൽ ഏഴു വയസുകാരൻ വീണു; രക്ഷകരായി അഗ്നിരക്ഷാസേനകോഴിക്കോട്