വിദ്യാർഥികൾക്ക് കഞ്ചാവ് വിൽക്കുന്നയാൾ പിടിയിൽ
വിദ്യാർഥികൾക്ക് കഞ്ചാവ് വിൽക്കുന്നയാൾ പിടിയിൽ. ആസൂത്രിതമായി ഇയാളെ പിടിക്കൂടി പോലീസിന് ഏൽപ്പിക്കുകയായിരുന്നു. മയക്കുമരുന്നിൽ നിന്ന് മോചിതനായ വിദ്യാർഥിയുടെ പിതാവിൻ്റെ നേതൃത്വത്തിലാണ് പൊറാട്ട നാസർ എന്നറിയപ്പെടുന്ന കൊല്ലം പറവൂർ സ്വദേശി അൻസാറിനെ പിടികൂടി പോലീസിൽ ഏൽപ്പിച്ചത്. കഞ്ചാവ് വാങ്ങാനെന്ന വ്യാജേനെ കുട്ടിയെക്കൊണ്ട് വിൽപ്പനക്കാരനെ വിളിച്ചുവരുത്തുകയായിരുന്നു. കഞ്ചാവുമായി തളി ജൂബിലി ഹാൾ പരിസരത്തെത്തിയ ഇയാളെ നാട്ടുകാർ ഉൾപ്പെടെയുള്ളവരുടെ സഹായത്താൽ പിടിക്കൂടി. ഇയാളുടെ പോക്കറ്റിൽ സൂക്ഷിച്ച കഞ്ചാവും കണ്ടെടുത്തു. തുടർന്ന് കസബ പോലീസെത്തി പ്രതിയെ കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയി അറസ്റ്റ് രേഖപ്പെടുത്തി. മകനെ ലഹരിക്ക് അടിമയാക്കിയ നാസറിനു വേണ്ടി ദീർഘനാളായി അന്വേഷണത്തിലായിരുന്നുവെന്ന് പിതാവ് പറഞ്ഞു. ഇയാളുടെ ലഹരി ഇടപാടുകളെക്കുറിച്ചുള്ള വിവരങ്ങളും തെളിവുകളും പോലീസിന് നൽകും. ഇനിയൊരു കുട്ടിയും ഇതുപോലുള്ള കെണികളിൽ പെടാതിരിക്കാൻ വേണ്ടിയാണിതെന്നും അദ്ദേഹം പറഞ്ഞു.kozhikodeTimesXP MalayalamUpdated: 17 May 2023, 11:44 am