ആംബുലൻസിൽ ചരമബോർഡെഴുതി നാട്ടുകാരുടെ പ്രതിഷേധം
രോഗിക്ക് ആംബുലൻസ് സേവനം ലഭിച്ചില്ല. നാദാപുരം താലൂക്ക് ആശുപത്രിയിൽ നിന്ന് വിദഗ്ദ ചികിത്സക്കായി റഫർ ചെയ്ത രോഗിക്കാണ് ആംബുലൻസ് സേവനം ലഭിക്കാഞ്ഞത്. സംഭവത്തിൽ പ്രതിഷേധിച്ച് നാട്ടുകാർ ആംബുലൻസിൽ ചരമ ബോർഡെഴുതി. വരിക്കോളി ഒമ്പതു കണ്ടത്തിൽ നിന്ന് രാത്രി പത്ത് മണിയോടെ ചികിത്സക്കെത്തിയ യുവതിയെയാണ് അടിയന്തിരമായി മറ്റൊരു ആശുപത്രിയിലേക്ക് ഡോക്ടർ റഫർ ചെയ്തത്. ഡ്രൈവറുടെ അസാന്നിധ്യം ചൂണ്ടിക്കാട്ടി ജീവനക്കാർ കൈമലർത്തുകയായിരുന്നു. ഇതോടെ രോഷാകുലരായ രോഗിയുടെ ബന്ധുക്കളും ജീവനക്കാരും തമ്മിൽ ഏറെനേരം ആശുപത്രിയിൽ വാക്കേറ്റമുണ്ടായി. രോഗിയെ മറ്റൊരു ആംബുലൻസിൽ സ്വകാര്യ ആശുപത്രിയിലേക്ക് മാറ്റിയ ശേഷം നാട്ടുകാർ ആംബുലൻസിൽ ചരമ ബോർഡ് എഴുതി പ്രതിഷേധിച്ചു. ആശുപത്രിക്കെതിരെ ചികിത്സാ നിഷേധത്തിനെതിരെ വ്യാപക പ്രതിഷേധം നിലനിൽക്കുന്നതിനിടെയാണ് രോഗിക്ക് ആംബുലൻസ് ലഭിക്കാതെ ദുരിതം നേരിട്ടത്.kozhikodeTimesXP MalayalamUpdated: 30 May 2023, 12:18 pm