ഓടിക്കൊണ്ടിരിക്കുന്ന ലോറിയിൽ നിന്ന് പുക
1010 views
kozhikode വീഡിയോസ് സബ്സ്ക്രൈബ് ചെയ്യൂഓടിക്കൊണ്ടിരിക്കുന്ന ടോറസ് ലോറിയിൽ പുക ഉയർന്നത് പരിഭ്രാന്തി പരത്തി. തലശ്ശേരി റോഡിൽ പോലീസ് സ്റ്റേഷന് മുന്നിൽ സംസ്ഥാന പാതയിലാണ് അപകടം. കണ്ണൂർ ചെറുവാഞ്ചേരിയിൽ നിന്ന് മെറ്റലുമായി വടകര ചോറോട് ഭാഗത്തേക്ക് ഓടിക്കൊണ്ടിരിക്കുന്ന ടോറസ് ലോറിയിൽ നിന്നാണ് പുക ഉയർന്നത്. ടോറസ് ലോറിയുടെ മുൻ ഭാഗത്തെ എഞ്ചിനിൽ നിന്ന് കനത്ത പുക വമിച്ചതോടെ ഡ്രൈവർ വാഹനം നിർത്തുകയും നാദാപുരം ഫയർ ഫോഴ്സിനെ വിവരം അറിയിക്കുകയായിരുന്നു. ഇന്ന് രാവില 10 മണിയോടെയാണ് സംഭവം നാദാപുരം ഫയർസ്റ്റേഷൻ അസി. ഫയർ ഓഫീസർ ഇ.സി നന്ദകുമാറിന്റെ നേതൃത്വത്തിൽ ഒരു യൂണിറ്റ് ഫയർഫോഴ്സ് എത്തി എഞ്ചിൻ ഭാഗത്ത് വെള്ളം ചീറ്റുകയും അപകടം ഒഴിവാക്കുകയായിരുന്നു. ലോറി അമിതമായി ചൂടായതിനെ തുടർന്ന് മുൻ ഭാഗം ടയർ ഉരുകിയ നിലയിലായിരുന്നു. ലോറിയുടെ ലാൻഡർ പൊട്ടി ടയർ ചൂടായതാണ് പുക ഉയരാൻ കാരണമെന്ന് അധികൃതർ പറഞ്ഞു.