Thamarassery Churam: യാത്രക്കാരുടെ ശ്രദ്ധയ്ക്ക്; താമരശ്ശേരി ചുരത്തില് വന് ഗതാഗത തടസ്സം
1033 views
കോഴിക്കോട് വീഡിയോസ് സബ്സ്ക്രൈബ് ചെയ്യൂകോഴിക്കോട് താമരശ്ശേരി ചുരത്തില് വന് ഗതാഗത തടസ്സം. ചുരത്തിലെ ആറാം വളവില് ചരക്ക് ലോറി ജോയിന്റ് പൊട്ടി കുടുങ്ങിയതോടെയാണ് ഗതാഗതക്കുരുക്ക് ആരംഭിച്ചത്. ആറുമണിയോടെ ഗതാഗതം പൂർണമായും തടസപ്പെടുകയായിരുന്നു. വീതി കുറഞ്ഞ ഭാഗത്താണ് ലോറി കുടുങ്ങിയതെന്നതിനാല് ചെറിയ വാഹനങ്ങള്ക്ക് പോലും വളരെ ബുദ്ധിമുട്ടിയാണ് കടന്നു പോകുന്നത്. വാഹനത്തിന്റെ തകരാര് പരിഹരിക്കാനുള്ള ശ്രമങ്ങള് നടക്കുന്നുണ്ട്. വയനാട് ഭാഗത്തേക്ക് വൈത്തിരി വരെയും താഴെ ഈങ്ങാപ്പുഴക്ക് അടുത്ത് വരെയും വാഹനങ്ങളുടെ കുരുക്കാണ്. ചുരം വഴി യാത്ര ചെയ്യാനുള്ളവര് ആവശ്യത്തിന് വെള്ളവും ലഘു ഭക്ഷണവും കരുതണം. വാഹനത്തില് ഇന്ധനം ആവശ്യത്തിനു ഉണ്ട് എന്ന് ഉറപ്പുവരുത്തി മാത്രമേ ചുരത്തിലേക്ക് പ്രവേശിക്കാവൂ എന്നും പോലീസ് അറിയിച്ചു. ക്രിസ്തുമസ് അവധിയും പുതുവര്ഷവും പ്രമാണിച്ച് വയനാട്ടിലേക്ക് എത്തുന്ന സഞ്ചാരികളും മറ്റു യാത്രക്കാരും ഇനിയും കൂടുമെന്നതിനാൽ ഗതാഗതകുരുക്ക് കൂടുമെന്നു പോലീസ് പറഞ്ഞു. ആംബുലന്സ് അടക്കമുള്ള അടിയന്തിര ആവശ്യങ്ങള്ക്കുള്ള വാഹനങ്ങള്ക്ക് പോലും സുഗമമായി കടന്നുപോകാന് കഴിയാത്ത അവസ്ഥയാണ്.