രേഖകൾ ഒന്നും ഇല്ല ; ഭക്ഷണ സ്റ്റാൾ അടച്ചുപ്പൂട്ടി ഗ്രാമപഞ്ചായത്ത്
1035 views
കോഴിക്കോട് വീഡിയോസ് സബ്സ്ക്രൈബ് ചെയ്യൂആരോഗ്യ വകുപ്പിന്റെ മാനദണ്ഡങ്ങൾ ലംഘിച്ച് രേഖകൾ ഒന്നും ഇല്ലാതെ ഒരാഴ്ച്ചയോളം പ്രവർത്തിച്ച മിനിചന്തയും, ഭക്ഷണ സ്റ്റാളും പഞ്ചായത്ത് അധികൃതർ അടപ്പിച്ചു. പൊതുജനാരോഗ്യത്തിനും ക്രമസമാധാനത്തിനും ഭീഷണി ഉയർന്നതോടെയാണ് ഗ്രാമപഞ്ചായത്ത് അധികൃതർ സ്ഥാപനം അടപ്പിച്ചത്. സ്റ്റാൾ നടത്തിപ്പുകാരനായ തൻസീഹ് കേളോത്ത് എന്നയാൾക്ക് 5000 രൂപ പിഴ ചുമത്തി. നാദാപുരം പഞ്ചായത്ത് അധികൃതർ ശനിയാഴ്ച്ച സ്ഥലത്ത് പരിശോധന നടത്തി. പരിശോധനക്കിടെ സ്റ്റാളിൽ വൈദ്യുതി ഓഫ് ചെയ്ത് ഫ്രീസറിൽ സൂക്ഷിച്ച ഐസ് ക്രീം പാക്കറ്റുകൾ പിടികൂടി. സ്റ്റാളിലെ ഫ്രീസറിൽ സൂക്ഷിച്ച ഉപയോഗശൂന്യമായ 24 ഐസ്ക്രീം ബോക്സുകളാണ് നശിപ്പിച്ചത്.താൽക്കാലിക സ്റ്റാൾ പ്രവർത്തനം നിർത്തിവെപ്പിക്കുകയും ചെയ്തു. പരിശോധനക്കിടെ അസഹനീയമായ ദുർഗന്ധം വമിക്കുന്ന നിലയിലായിരുന്നു സ്റ്റാൾ. ഒരാഴ്ച മുമ്പാണ് നാദാപുരം തലശ്ശേരി റോഡിൽ മൊയ് ലോത്ത് പറമ്പിൽ മ്മളെ നാദാപുരം എന്ന പേരിൽ റംസാൻ മിനിചന്ത ചിലർ ചേർന്ന് ആരംഭിച്ചത്. ഗ്രാമ പഞ്ചായത്ത്, പൊലിസ്, ഭക്ഷ്യവകുപ്പ്, ആരോഗ്യ വിഭാഗം എന്നീ സ്ഥാപനങ്ങളുടെ ലൈസൻസ്, അംഗീകാരം എന്നിവ വാങ്ങാതെയാണ് സ്ഥാപനം പ്രവർത്തനം ആരംഭിച്ചതെന്ന് പഞ്ചായത്ത് സെക്രടറി പറഞ്ഞു. പഞ്ചായത്തിൽ നിന്ന് ഒരു രേഖകളും ഇല്ലാതെയാണ് ഒരാഴ്ച്ച സ്റ്റാൾ പ്രവർത്തിച്ചത് സംഭവം വിവാദമായതോടെയാണ് അധികൃതർ ഇടപെട്ടത്.