വിദേശ മദ്യം കടത്തിയ യുവാവ് പിടിയിൽ
കോഴിക്കോട് വീഡിയോസ് സബ്സ്ക്രൈബ് ചെയ്യൂ
വിദേശ മദ്യം കടത്തിയ സ്കൂട്ടർ യാത്രികൻ അറസ്റ്റിൽ. മാഹിയിൽ നിന്ന് കോഴിക്കോട് ഭാഗത്തേക്ക് വിൽപ്പനക്കായി മദ്യം കടത്തുകയായിരുന്നു. കോഴിക്കോട് മാവൂർ സ്വദേശി കണക്കന്മാർ കണ്ടി വീട്ടിൽ മകൻ ബിനീതിനെയാണ് വടകര എക്സൈസ് സർക്കിൾ പ്രിവന്റീവ് ഓഫീസർ തറോൽ രാമചന്ദ്രനും സംഘവും അറസ്റ്റ് ചെയ്തത്. പ്രതിയിൽ നിന്ന് 500 എംഎലിന്റെ 60 കുപ്പി മദ്യം അധികൃതർ പിടികൂടി. മദ്യം കടത്താനുപയോഗിച്ച കെ എൽ 10 ബി ബി 257 നമ്പർ ജൂപ്പിറ്റർ സ്കൂട്ടറും അധികൃതർ കസ്റ്റഡിയിലെടുത്തു. വടകര - തലശ്ശേരി ദേശീയ പാതയിൽ പെരുവാട്ടും താഴെ ഭാഗത്ത് കോഴിക്കോട് ജോയിന്റ് എക്സൈസ് കമ്മീഷണറുടെ സ്ക്വാഡ് അംഗം രാഗേഷ് ബാബു നൽകിയ രഹസ്യ വിവരത്തിന്റെ അടിസ്ഥാനത്തിൽ നടത്തിയ വാഹന പരിശോധനയിലാണ് മദ്യക്കടത്ത് പിടികൂടിയത്. സ്ക്കൂട്ടറിന്റെ സീറ്റിനടിയിലും , പ്ലാസ്റ്റിക് സഞ്ചിയിലുമാക്കി സൂക്ഷിച്ച നിലയിലായിരുന്നു മദ്യം.