കോട്ടയത്ത് വാഹനാപകടത്തിൽ ഒരു മരണം. കഞ്ഞിക്കുഴിയിലാണ് സംഭവം. വ്യാഴാഴ്ച രാത്രി എട്ടുമണിയോടെ കോട്ടയം ഭാഗത്തേക്ക് പോവുകയായിരുന്ന കാർ എതിർ ദിശയിലെത്തിയ ബൈക്കിലിടിച്ചാണ് അപകടം ഉണ്ടായത്. പുത്തൻപറമ്പിൽ അമൽ അനിൽകുമാറാണ് മരിച്ചത്. ഒപ്പം യാത്ര ചെയ്തിരുന്ന പാറമ്പുഴ സ്വദേശിയായ സിനോജ് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിൽ തുടരുകയാണ്. വെള്ളിയാഴ്ച രാവിലെയാണ് യുവാവ് മരിച്ചത്. പോസ്റ്റ്മോർട്ടത്തിനുശേഷം മൃതദേഹം വിട്ടു നൽകി. ശനിയാഴ്ച ഉച്ചയ്ക്കാണ് സംസ്കാരം.