കണമലയിൽ കാട്ടുപോത്ത് ഒരാളെ കുത്തിക്കൊന്നു
1156 views
കോട്ടയം വീഡിയോസ് സബ്സ്ക്രൈബ് ചെയ്യൂകാട്ടുപോത്തിന്റെ ആക്രമണത്തിൽ കോട്ടയം ജില്ലയിലെ എരുമേലി കണമലയിൽ ഒരാൾ മരിച്ചു. മരിച്ചത് കണമല സ്വദേശി പുറത്തേൽ ചാക്കോയാണ്. ആക്രമണത്തിൽ ഒപ്പമുണ്ടായിരുന്ന ഒരാൾക്ക് ഗുരുതര പരിക്കേറ്റു. സമീപവാസിയായ തോമസിനാണ് പരിക്കേറ്റത്. കാട്ടു പോത്ത് വീടിന്റെ വരാന്തയിൽ ഇരിക്കുകയായിരുന്ന ചാക്കോയെ കുത്തി വീഴ്ത്തുകയായിരുന്നു. തോമസിനെയും കാട്ടു പോത്ത് കുത്തി വീഴ്ത്തി. രാവിലെ എട്ടു മണിയോടെയായിരുന്നു സംഭവം കാട്ടുപോത്തിന്റെ ആക്രമണം. നാട്ടുകാർ ഓടിയെത്തിയപ്പോഴേയ്ക്കും ചാക്കോ കൊല്ലപ്പെട്ടിരുന്നു. വിവരം അറിഞ്ഞ് വനം വകുപ്പ് അധികൃതരും പഞ്ചായത്ത് അധികൃതരും പൊലീസും സ്ഥലത്ത് എത്തി.