Pinarayi Vijayan: മുഖ്യമന്ത്രിയുടെ ഫോട്ടോയിൽ കറുത്ത പെയിന്റ് ഒഴിച്ചു; ഒരാൾ പിടിയിൽ
1011 views
കോട്ടയം വീഡിയോസ് സബ്സ്ക്രൈബ് ചെയ്യൂമുഖ്യമന്ത്രിയുടെ ഫോട്ടോയിൽ കറുത്ത പെയിൻ്റ് ഒഴിച്ച കേസിൽ ഒരാൾ പിടിയിൽ. കോട്ടയം ജില്ലയിലെ ളാലം വില്ലേജിലെ ജയിംസ് തോമസാണ് പാലാ പോലീസിന്റെ പിടിയിലായത്. കഴിഞ്ഞ ദിവസം രാത്രി പ്രതി നവകേരള സദസിൻ്റെ പ്രചാരണത്തോട് അനുബന്ധിച്ച് സ്ഥാപിച്ചിരുന്ന കമാനത്തിൽ പതിപ്പിച്ചിരുന്ന കേരളാ മുഖ്യമന്ത്രിയുടെ ചിത്രത്തിൽ കറുത്ത പെയിന്റ് ഒഴിച്ചത്. കൂടാതെ സമീപത്തായി പ്രദർശിപ്പിച്ചിരുന്ന മറ്റു മന്ത്രിമാരുടെ ചിത്രങ്ങൾ നശിപ്പിക്കുകയും ചെയ്തിരുന്നു. ഇതേ തുടർന്ന് പാലാ പോലീസ് കേസ് രജിസ്റ്റർ ചെയ്യുകയും സിസിടിവി കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പ്രതിയെ തിരിച്ചറിഞ്ഞത്. മുൻപ് മുഖ്യമന്ത്രി പങ്കെടുക്കുന്ന യോഗസ്ഥലത്ത് വ്യാജ ബോംബ് ഭീഷണി മുഴക്കിയ കേസിലും ഇയാൾ പ്രതിയാണ്. മുഖ്യമന്ത്രിയെ അവഹേളിച്ച് പാർട്ടി പ്രവർത്തകരുടെ വികാരത്തെ വ്രണപ്പെടുത്തി സമൂഹത്തിൽ കലാപം സൃഷ്ടിക്കുക എന്ന ഉദ്ദേശത്തോടെയാണ് ജയിംസ് ഈ കുറ്റകൃത്യത്തിൽ ഏർപ്പെട്ടതെന്നാണ് പാലാ പോലീസ് സ്റ്റേഷൻ എസ് എച്ച് ഓ കെ.പി. ടോംസൺ പറഞ്ഞു. പ്രതിയെ കോടതിയിൽ ഹാജരാക്കി.