കശുവണ്ടി ഫാക്ടറിക്ക് നേരെ അക്രമം
1022 views
കൊല്ലം വീഡിയോസ് സബ്സ്ക്രൈബ് ചെയ്യൂകശുവണ്ടി ഫാക്ടറിക്ക് നേരെ അക്രമം. കൊല്ലം തഴുത്തലയിൽ പ്രവർത്തിക്കുന്ന എസ്എൻ കശുവണ്ടി ഫാക്ടറിക്ക് നേരെയാണ് അക്രമം നടന്നത്. കശുവണ്ടി ഫാക്ടറിയിൽ ഉണ്ടായിരുന്ന ഉപകരണങ്ങൾ എല്ലാം തന്നെ അക്രമി സംഘം തല്ലി തകർത്തു. വിപണനത്തിനായി സൂക്ഷിച്ചിരുന്ന കശുവണ്ടി പരിപ്പും നശിപ്പിച്ചു. അതേസമയം കശുവണ്ടി ഫാക്ടറിയിൽ അക്രമം നടത്തിയത് പ്രദേശത്തെ ഗുണ്ടകളാണെന്നും കമ്പനി ഉടമ ഷാ സലീം പറഞ്ഞു. ജീപ്പിലെത്തിയ അക്രമി സംഘം കമ്പനിയുടെ ഓഫീസും, സി.സി.ടി.വി ക്യാമറകളും തകർത്തു. ഫാക്ടറിയിലെത്തുന്ന വാഹനങ്ങൾ തടഞ്ഞിടുന്നതായും, പണപ്പിരിവ് നടത്തുന്നതായും ഫാക്ടറി ഉടമ പറഞ്ഞു. അക്രമികൾ നിരന്തരം ഫാക്ടറിയിലെത്തി സംഘർഷം സൃഷ്ടിക്കുന്നതായി തൊഴിലാളികൾ പറഞ്ഞു. കശുവണ്ടി മേഖലയിൽ ഭൂരിപക്ഷം ഫാക്ടറികളും അടഞ്ഞു കിടക്കുന്ന സാഹചര്യത്തിൽ തുറന്ന് പ്രവർത്തിക്കുന്ന ഫാക്ടറികൾക്കെതിരെ നടക്കുന്ന അക്രമത്തെ ക്യാഷ്യൂ അസോസിയേഷൻ അപലപിച്ചു.