ധീരജ് രവിയുടെ വീട്ടിൽ മോഷണം; 27 പവൻ്റെ സ്വർണ്ണാഭരങ്ങൾ നഷ്ടപ്പെട്ടു
1012 views
കൊല്ലം വീഡിയോസ് സബ്സ്ക്രൈബ് ചെയ്യൂവീട്ടിൽ ആളില്ലാത്ത തക്കം നോക്കി മോഷണം. അഭിഭാഷകനായ ധീരജ് രവിയുടെ വീട്ടിൽ ആണ് മോഷണം നടന്നത്. ധീരജ് രവിയും കുടുംബവും രാത്രി സിനിമ കാണാൻ പോയ സമയത്താണ് തേവള്ളിയിലെ ഗൗരി ശിവം എന്ന വീട്ടിൽ മോഷണം നടന്നത്. വീടിൻ്റെ പിന്നാമ്പുറത്തെ മതിൽ ചാടി കടന്നാണ് മോഷ്ടാക്കൾ എത്തിയത്. വീടിൻ്റെ രണ്ടാം നിലയിലെത്തിയ മോഷ്ടാക്കൾ പിൻവാതിലിൻ്റെ പൂട്ടുകൾ തകർത്താണ് അകത്ത് കയറിയത്. വീടിനുള്ളിൽ കടന്ന മോഷ്ടാക്കൾ താഴെത്തെ നിലയിലെത്തി കിടപ്പ് മുറിയുടെ വാതിലും തകർത്ത് മുറിക്കുള്ളിൽ പ്രവേശിച്ച ശേഷം ഇരുമ്പ് അലമാരയിൽ സൂക്ഷിച്ചിരുന്ന സ്വർണ്ണം കവരുകയായിരുന്നു. 27 പവൻ്റെ സ്വർണ്ണാഭരങ്ങളാണ് ധീരജിൻ്റെ വീട്ടിൽ നിന്ന് മോഷ്ടാക്കൾ അപഹരിച്ചത്. സിനിമ കണ്ട് തിരികെ വീട്ടിലെത്തിയ ധീരജ് രവിയും കുടുംബവും വീടിനുള്ളിൽ കയറിയതിന് ശേഷമാണ് മോഷണം വിവരം അറിഞ്ഞത്. സിറ്റി പോലീസ് കമ്മീഷണറുടെ ക്യാമ്പ് ഓഫീസിന് അകലെയാണ് മോഷണം നടന്നത്.