Peruman Pezhumthuruth Bridge: പെരുമൺ - പേഴുതുരുത്ത് പാലം നിർമാണം പാതിവഴിയിൽ നിലച്ചിട്ട് പത്തുമാസം
കൊല്ലം വീഡിയോസ് സബ്സ്ക്രൈബ് ചെയ്യൂ
കൊല്ലം ജില്ലയിലെ മൺറോതുരുത്ത്, കുന്നത്തൂർ, ശാസ്താംകോട്ട എന്നീ പ്രദേശവാസികൾ ഇപ്പോഴും ഏറെ പ്രതീക്ഷയോടെ കാത്തിരിപ്പിലാണ്. പെരുമൺ- പേഴുതുരുത്ത് പാലം യാഥാർഥ്യമാവുന്നതും കാത്ത്. പാലത്തിന്റെ നിർമാണ പ്രവൃത്തി പാതിവഴിയിൽ നിലച്ചിട്ട് പത്തുമാസം കഴിഞ്ഞു. പ്രദേശവാസികളുടെ ഏറെനാളത്തെ ആവശ്യം പരിഗണിച്ചാണ് എംഎൽഎ മുകേഷ് മുൻ കൈയെടുത്ത് പാലം പണിക്ക് വേണ്ടി ഫണ്ട് അനുവദിപ്പിച്ച് നിർമ്മാണ പ്രവർത്തനം ആരംഭിപ്പിച്ചത്. പാലത്തിൻ്റെ മധ്യഭാഗത്തെ സ്പാനുകളുടെ ഡിസൈൻ്റെ കാര്യത്തിൽ ഇനിയും അന്തിമതീരുമാനമായിട്ടില്ല. 65 ലക്ഷം രൂപയ്ക്കാണ് നാല് മാസം മുൻപ് ഡിസൈൻ തയ്യാറാക്കാനുള്ള കരാർ എൽആൻ്റ്ടി കമ്പനി ഏറ്റെത്തിരുടുന്നത്. ഒന്നരമാസമെടുത്താണ് കമ്പനി പ്രാഥമിക ഡിസൈൻ തയ്യാറാക്കിയത്. ആഗസ്റ്റ് പകുതിയോടെ കരാറിന് നിർവഹണ ഏജൻസിയായ കെആർഎഫ്ബി അംഗീകാരം നൽകിയെങ്കിലും അന്തിമ ഡിസൈൻ ഒന്നരമാസം കഴിഞ്ഞിട്ടും ഒരു നടപ്പിലാക്കിയിട്ടില്ല. സ്വകാര്യ ഏജൻസി തയ്യാറാക്കുന്ന ഡിസൈനായതിനാൽ പാലത്തിന്റെ അന്തിമ ഡിസൈൻ അംഗീകാരം ലഭിക്കാൻ ഇനിയും കാലതാമസമെടുക്കുമെന്നാണ് കണക്ക്. മൺറോതുരുത്തുകാരുടെ ചിരകാല സ്വപ്നമായിരുന്ന പാലം നിർമ്മാണം പാതിവഴിയിലായതോടെ നാട്ടുകാരും നിരാശയിലാണ്. നാല് ഭാഗത്തും വെള്ളത്താൽ ചുറ്റപ്പെട്ട പ്രദേശവാസികൾ കടത്ത് വഞ്ചിയിലും, ജങ്കാറുകളിലും ഇനിയുമെത്ര നാൾ സഞ്ചരിക്കുമെന്ന ചോദ്യം ആവർത്തിക്കുകയാണ്. ഡിസൈൻ സ്വകാര്യ ഏജൻസി തയ്യാറാകുന്നതിനാൽ ഏതെങ്കിലും ഐഐടിയുടെ പരിശോധന കഴിഞ്ഞാൽ മാത്രമേ പാലം യാഥാർഥ്യമാവുമെന്നാണ് ഏതെങ്കിലും ഐഐടിയുടെ പരിശോധന.