കണ്ടക്ടറുടെ പേഴ്സ് മോഷ്ടിച്ച പ്രതി പിടിയിൽ
1035 views
കൊല്ലം വീഡിയോസ് സബ്സ്ക്രൈബ് ചെയ്യൂകെഎസ്ആർടിസി ബസ് കണ്ടക്ടറുടെ പേഴ്സ് മോഷ്ടിച്ച പ്രതി പിടിയിൽ . കണ്ടക്ടറുടെ പണം അടങ്ങിയ പേഴ്സും മൊബൈൽ ഫോണും ആണ് പ്രതി മോഷ്ടിച്ചത്. 2022 സെപ്റ്റംബറിലാണ് കേസിനാസ്പദമായ സംഭവം നടക്കുന്നത്. പരവൂർ പൂക്കുളം സുനാമി ഫ്ലാറ്റിലെ താമസക്കാരനായ 38 വയസുള്ള സുരേഷിനെയാണ് അഞ്ചൽ പോലീസ് അറസ്റ്റ് ചെയ്തത്. അഞ്ചൽ ടൗണിൽ വെച്ചാണ് പ്രതി സുരേഷ് കണ്ടക്ടറുടെ പേഴ്സും മൊബൈൽഫോണും മോഷ്ടിച്ചത്. സംഭവത്തിൽ കേസെടുത്ത അഞ്ചൽ പോലീസ് പ്രതിയുടെ സിസിടിവി ദൃശ്യങ്ങൾ ശേഖരിച്ച് നടത്തിയ അന്വേഷണത്തിലാണ് പ്രതിയുടെ അറസ്റ്റ് രേഖപ്പെടുത്തിയത്. സിഐ കെജി ഗോപകുമാർ, എസ്ഐ പ്രജീഷ് കുമാർ, എഎസ്ഐ അജിത്ത് ലാൽ, എസ് സി പി ഓ സന്തേഷ് ചെട്ടിയാർ, സിപിഓമാരായ ബിനു വർഗ്ഗീസ്, ദീപു എന്നിവരുടെ നേതൃത്യത്തിൽ നടത്തിയ അന്യേഷണത്തിലാണ് പ്രതി പിടിയിലായത്. അറസ്റ്റിലായ സുരേഷ് സമാന കേസിൽ ഇതിനുമുമ്പ് ജയിൽ ശിക്ഷ അനുഭവിച്ചിട്ടുണ്ടെന്ന് അഞ്ചൽ പോലീസ് പറഞ്ഞു.