സംസ്ഥാന ഇൻ്റർ പോളിടെക്നിക് കലോത്സവത്തിന് കൊല്ലത്ത് തുടക്കം
1019 views
കൊല്ലം വീഡിയോസ് സബ്സ്ക്രൈബ് ചെയ്യൂസംസ്ഥാന ഇൻ്റർ പോളിടെക്നിക് കലോത്സവത്തിന് തുടക്കം. കൊല്ലം ജില്ലയാണ് കലോത്സവത്തിന് വേദിയാകുന്നത്. വിവിധ ജില്ലകളിൽ നിന്നായി 102-ഓളം പോളിടെക്നിക്കുകളിൽ നിന്നും 4000ത്തിലധികം പ്രതിഭകൾ മാറ്റുരയ്ക്കുന്ന കലോത്സവത്തിനാണ് തിരി തെളിഞ്ഞത്. വിദ്യാർത്ഥികളുടെ വിവിധ കലാരൂപങ്ങളോട് കൂടിയ ഘോഷയാത്രയോട് കൂടിയാണ് കലോത്സവത്തിന് തുടക്കം കുറിച്ചത്. അന്തരിച്ച സിനിമാ താരം ഇന്നസെന്റിന്റെ പേരിൽ നാമകരണം ചെയ്യപ്പെട്ടിരിക്കുന്ന കൊട്ടിയം എസ്.എൻ.പോളിടെക്നിക്കിലെ പ്രധാന വേദിയിൽ ധനമന്ത്രി കെ.എൻ.ബാലഗോപാൽ കാലോത്സവത്തിന് തിരി തെളിയിച്ചു. പോളിടെക്നിക് മേഖലയിലെ വിദ്യാർഥികളുടെ നൂതനമായ ആശയങ്ങൾ വ്യാവസായി രൂപത്തിൽ പദ്ധതിയായി സർക്കാരിന് സമർപ്പിച്ചാൽ മികച്ച പരിഗണനയുണ്ടാകുമെന്ന് മന്ത്രി പറഞ്ഞു. സിനിമ താരം ആസിഫ് അലിചടങ്ങിൽ മുഖ്യാതിഥിയായി. ആസിഫലിയുടെ പ്രസംഗത്തെ കൈയ്യടിയോടെയാണ് വിദ്യാർഥികൾ എതിരേറ്റത്. ചടങ്ങിൽ യുവജന കമ്മീഷൻ ഏർപ്പെടുത്തിയ യൂത്ത് ഐക്കൺ അവാർഡുകളും വിതരണം ചെയ്തു.