കൊല്ലം നഗരത്തിൻ്റെ ഹൃദയ ഭാഗത്ത് ശ്രീ നാരായണ ഗുരു ഓപ്പൺ മ്യൂസിയം | Sri Narayana Guru Open Museum
1048 views
കൊല്ലം വീഡിയോസ് സബ്സ്ക്രൈബ് ചെയ്യൂകൊല്ലം നഗരത്തിൻ്റെ ഹൃദയ ഭാഗത്ത് കൊട്ടാര പ്രൗഡിയോടെ തലയുയർത്തി ശ്രീ നാരായണ ഗുരു ഓപ്പൺ മ്യൂസിയം.സംസ്ഥാന സർക്കാർ എല്ലാ ജില്ലകൾക്കുമായി പ്രഖ്യാപിച്ച സാംസ്കാരിക സമുച്ചയങ്ങളിൽ ആദ്യം നിർമാണം തുടങ്ങിയതും പൂർത്തീകരിക്കുന്നതും കൊല്ലത്താണ്. രാജകീയ പ്രൗഡിയോടെ കൊല്ലം ആശ്രാമത്ത് മൂന്നരയേക്കർ സ്ഥലത്ത് ശ്രീനാരായണ ഗുരുദേവൻ്റെ പേരിലൊരു മ്യൂസിയം,ആർട്ട് ഗാലറി, നാടകശാല, സിനിമാ തിയറ്റർ, ബ്ലാക് ബോക്സ് തിയറ്റർ, ഡിജിറ്റൽ ലൈബ്രറി, ഗോത്രകലാ മ്യൂസിയം, കഫത്തേരിയ,ശ്രീനാരായണ ഗുരു മ്യൂസിയം, കലാകാരന്മാർക്ക് താമസിക്കാനുള്ള സൗകര്യം അങ്ങനെയെല്ലാം ഇവിടെ ഒരുക്കിയിരിക്കുന്നു. കേരളത്തിന്റെ നവോത്ഥാന നായകന് സംസ്ഥാന സർക്കാർ സമർപ്പിക്കുന്ന നിത്യസ്മാരകം കൂടിയാണ് ഈ സാംസ്കാരിക സമുച്ചയം.അമ്പത്തേഴു കോടി രൂപ കിഫ്ബി ഫണ്ട് ഉപയോഗിച്ചായിരുന്നു നിർമ്മാണം. സ്ഥലം എം.എൽ.എ. കൂടിയായ എം.മുകേഷിൻ്റെ സ്വപ്ന പദ്ധതി കൂടിയായിരുന്നു ഗുരുവിൻ്റെ പേരിലുള്ള മ്യൂസിയം. സാംസ്കാരിക സമുച്ചയത്തിൻ്റെ ഉദ്ഘാടനം മേയ് നാലിന് മുഖ്യമന്ത്രി പിണറായി വിജയൻ നിർവ്വഹിക്കും.നാടിന്റെ കലാ സാംസ്കാരിക പൈതൃകം അടയാളപ്പെടുത്തുന്ന സ്ഥാപനം കലാകാരന്മാർക്കൊരു മുതൽക്കൂട്ടാകും.