Punalur Chenkotta Train Route: പുനലൂര് ചെങ്കോട്ട റെയില്വേ പാത; വൈദ്യുതീകരണം ഉടൻ പൂര്ത്തീകരിക്കും
1260 views
കൊല്ലം വീഡിയോസ് സബ്സ്ക്രൈബ് ചെയ്യൂപുനലൂര് ചെങ്കോട്ട റെയില്വേ പാതയുടെ വൈദ്യുതീകരണം 2024 മാര്ച്ച് 31ന് മുമ്പ് പൂര്ത്തീകരിക്കുമെന്ന് എന്കെ പ്രേമചന്ദ്രന് എംപി. പുനലൂരില് ചേര്ന്ന ദക്ഷിണ റെയില്വേ മധുര ഡിവിഷനിലെ ഉന്നത ഉദ്യോഗസ്ഥരുമായി നടത്തിയ ചർച്ചയ്ക്ക് ശേഷമാണ് എം പി ഇക്കാര്യം അറിയിച്ചത്. പുനലൂര് മുതല് ഇടമണ് വരെയും ഭഗവതിപുരം മുതല് ചെങ്കോട്ട വരെയും ഉള്ള വൈദ്യുതീകരണം നേരത്തെ പൂര്ത്തിയാക്കിയിരുന്നു. ഇടമണ് മുതല് ഭഗവതിപുരം വരെയുള്ള റെയില്വേ പാതയുടെ വൈദ്യുതികരണമാണ് ഇനി പൂര്ത്തീകരിക്കാന് ബാക്കിയുള്ളത്. വളരെ നാളായുള്ള ജനങ്ങളുടെ ആവശ്യം പരിഗണിച്ച് അമൃത ഭാരത് പദ്ധതിയില് ഉള്പ്പെടുത്തി പുനലൂര് റെയില്വേ സ്റ്റേഷന്റെ വികസനത്തിനായി ഒന്നാം ഘട്ടം 5.43 കോടി രൂപയുടെ പദ്ധതിക്ക് റെയില്വേ അനുമതി നല്കിയിട്ടുണ്ട്. പുനലൂര് റെയില്വേ സ്റ്റേഷന്റെ നിലവിലുള്ള പാര്ക്കിംഗ് മറ്റൊരു സ്ഥലത്തേക്ക് മാറ്റി സര്ക്കുലേറ്റിങ്ങ് ഏരിയ നിര്മ്മിക്കും. നിലവിലുള്ള പാര്ക്കിംഗ് ഏരിയ മാറ്റി കൂടുതല് വാഹനങ്ങള്ക്കുള്ള പാര്ക്കിംഗ് സൗകര്യം സജ്ജമാക്കും. 200ലേറെ വാഹനങ്ങള്ക്ക് ഒരേസമയം പാര്ക്ക് ചെയ്യാനുള്ള സൗകര്യമാണ് ഒരുക്കുന്നത്. സ്റ്റേഷനില് ഫാനുകള് ലൈറ്റുകള് എന്നിവ കൂടുതലായി സജ്ജീകരിക്കും. 2 ലിഫ്റ്റുകള് സ്ഥാപിക്കും. യാത്രക്കാരുടെ സൗകര്യാര്ത്ഥം കാത്തിരിപ്പ് മുറികള് ആധുനികവല്ക്കരിച്ച് കൂടുതല് സൗകര്യങ്ങള് ഏര്പ്പെടുത്തും, പ്ലാറ്റ്ഫോമുകള് പൂര്ണമായും നവീകരിക്കും തുടങ്ങി പ്രവര്ത്തികളാണ് ഒന്നാം ഘട്ടമായി പൂര്ത്തീകരിക്കുവാന് ഉദ്ദേശിക്കുന്നത്.