പെരുമൺ പേഴുംതുരുത്ത് ജങ്കാർ സർവീസ് നിർത്തി വെച്ചതിൽ പ്രതിഷേധം |Munroe Island
കൊല്ലം വീഡിയോസ് സബ്സ്ക്രൈബ് ചെയ്യൂ
കൊല്ലം മൺറോ തുരുത്ത് നിവാസികളുടെ പ്രധാന ഗതാഗത മാർഗ്ഗമാണ് പെരുമൺ പേഴുംതുരുത്ത് ജങ്കാർ സർവീസ്. ഇത് മുന്നറിയിപ്പില്ലാതെ നിർത്തി വെച്ചതിൽ പ്രതിഷേധവുമായി നാട്ടുകാർ രംഗത്ത്. ജങ്കാർ സർവീസ് നിലച്ചതിനാൽ ഇപ്പോൾ തുരുത്തിലെ ആളുകൾ കൊല്ലം നഗരം ഉൾപ്പെടെയുള്ള പ്രദേശങ്ങളിലെത്തുന്നത് 20 കിലോമീറ്ററിലധികം ചുറ്റി സഞ്ചരിച്ചാണ്. അഷ്ടമുടിക്കായാലും കല്ലടയാറും ചുറ്റിയൊഴുകുന്ന അതി മനോഹരമായ ദ്വീപാണ് മൺറോ തുരുത്ത്. എന്നാൽ ഇവിടുത്തെ ആളുകളുടെ ജീവിതത്തിന് അത്ര സൗന്ദര്യമില്ല. സ്ഥിരതയുള്ള ഒരു ഗതാഗത മാർഗ്ഗത്തിന്റെ അഭാവമാണ് പ്രധാന പ്രശ്നം.