Presidents Trophy: അഷ്ടമുടിയിൽ ആവേശമായി പ്രസിഡന്റ്സ് ട്രോഫി വള്ളംകളി; കിരീടം സ്വന്തമാക്കി വീയപുരം ചുണ്ടന്
1035 views
കൊല്ലം വീഡിയോസ് സബ്സ്ക്രൈബ് ചെയ്യൂപ്രസിഡന്റ്സ് ട്രോഫിയും സി ബി എല് കിരീടവും കരസ്ഥമാക്കി പള്ളാത്തുരുത്തി ബോട്ട് ക്ലബ്ബിന്റെ ജലവീരന് വീയപുരം ചുണ്ടന്. ഒന്പതാമത്പ്രസിഡന്റ്സ് ട്രോഫി ജലോത്സവവും ചാമ്പ്യന്സ് ബോട്ട് ലീഗ് മൂന്നാം എഡിഷന്റെ ഫൈനലും കൊല്ലത്ത് അഷ്ടമുടിക്കായലില് നടന്നു. 12 മത്സരങ്ങളില് നിന്നായി 116 പോയിന്റുകള് കരസ്ഥമാക്കിയാണ് വീയപുരം ചുണ്ടന് ട്രോഫി നേടിയത്. മികച്ച മത്സരം കാഴ്ചവെച്ച് 109 പോയിന്റുമായി യുണൈറ്റഡ് ബോട്ട് ക്ലബ്ബിന്റെ നടുഭാഗം ചുണ്ടന് സി ബി എല് മത്സരങ്ങളില് രണ്ടാം സ്ഥാനതെത്തി. 89 പോയിന്റുകളുമായി കേരള പോലീസ് ബോട്ട് ക്ലബ്ബിന്റെ മഹാദേവിക്കാട് കാട്ടില് തെക്കേതില് മൂന്നാംസ്ഥാനവും കരസ്ഥമാക്കി. ഫൈനല് മത്സരത്തില് 4.18 സെക്കന്ഡിലാണ് വീയപുരം ചുണ്ടന് പ്രസിഡന്റ്സ് ലക്ഷ്യസ്ഥാനത്തെത്തിയത്. വനിതകളുടെ മൂന്ന് വള്ളങ്ങള് അടക്കം ഒന്പത് ചെറുവള്ളങ്ങളുടെ മത്സരവും നടന്നു. സി ബി എല് ജേതാക്കള്ക്ക് 25 ലക്ഷമാണ് സമ്മാനത്തുക. എന് കെ പ്രേമചന്ദ്രനാണു എം പി ജലമാമാങ്കം ഉദ്ഘാടനം ചെയ്തത്. കൊല്ലത്തിന്റെ ചരിത്രത്തില് പ്രധാനമായ പങ്കാണ് അഷ്ടമുടി കായലില് നടക്കുന്ന സി ബി എല് പ്രസിന്റ്സ് ട്രോഫി മത്സരങ്ങള്ക്കുള്ളതെന്ന് അദ്ദേഹം പറഞ്ഞു.