നാടൊന്നിച്ചപ്പോൾ നടന്ന കല്യാണം |Community Marriage|
വിവാഹമെന്ന സ്വപ്നം യാതാർഥ്യമാക്കി നൽകിയിരിക്കുകയാണ് പരവൂർ സ്നേഹ മംഗല്യ കൂട്ടായ്മ. മൂന്ന് പെൺകുട്ടികളുടെയും അവരുടെ കുടുംബങ്ങളുടയും സ്വപ്നങ്ങൾ ആണ് ഇന്നിപ്പോൾ യാതാർഥ്യമാക്കിയത്. പരവൂർ സ്നേഹ മംഗല്യ കൂട്ടായ്മയുടെ നേതൃത്വത്തിൽ നടന്ന സമൂഹ വിവാഹച്ചടങ്ങ് ഗംഭീരമാക്കാൻ ഒരു നാട് തന്നെ ഒപ്പം കൂടുകയായിരുന്നു. പരവൂർ പുറ്റിങ്ങൽ ക്ഷേത്രത്തിലെ ഉത്സവത്തോടനുബന്ധിച്ച് പാവപ്പെട്ട ഒരു പെൺകുട്ടിയുടെ വിവാഹം നടത്തിയാലോ എന്ന് ഫേസ്ബുക്കിൽ ചോദിച്ച ചോദ്യമാണ് മൂന്ന് പെൺകുട്ടികളുടെ വിവാഹത്തിലെത്തിയത്. വ്യവസായിയും പൊതു പ്രവർത്തകന്മായ അഡ്വക്കേറ്റ് ഷൈൻ സുന്ദർ മുന്നോട്ട് വച്ച ആശയം നാട് ഏറ്റെടുത്തപ്പോൾ സ്നേഹ മംഗല്യ കൂട്ടായ്മയും മീനത്തിൽ താലി കെട്ട് എന്ന ചടണ്ടും യാഥാർത്ഥ്യമായി. വധൂ വരന്മാർക്കും അടുത്ത ബന്ധുക്കൾക്കും ഉൾപ്പെടെ വിവാഹത്തിന് ധരിക്കാൻ വസ്ത്രങ്ങൾ, വന്നവർക്കെല്ലാം സദ്യ, ജാതി, മത-രാഷ്ട്രീയ ഭേദമില്ലാതെ പരവൂരെന്ന നാട് ഒന്നിച്ച് നിന്നപ്പോൾ എല്ലാം ഗംഭീരം.kollamTimesXP MalayalamUpdated: 3 Apr 2023, 3:36 pm