Ashraamam Link Road Bridge: ഉദ്ഘാടനമില്ല: കാഴ്ചവസ്തുവായി മാറിയ പാലത്തിന്റെ ജനകീയ ഉദ്ഘാടനം നടത്തി കോൺഗ്രസ്
1017 views
കൊല്ലം വീഡിയോസ് സബ്സ്ക്രൈബ് ചെയ്യൂകോടികൾ മുടക്കി നിർമിച്ച കൊല്ലം ജില്ലയിലെ ആശ്രാമം ലിങ്ക് റോഡ് പാലത്തിന്റെ മൂന്നാംഘട്ടം പൂർത്തിയായി. എന്നാൽ ഉദ്ഘാടനമില്ലാതെ കായലിന് കുറുകെ നിർമിച്ച പാലം കാഴ്ചവസ്തുവായി മാറി. ഒടുവിൽ നാട്ടുകാർക്ക് പ്രയോജനമാകട്ടെയെന്ന് പറഞ്ഞ് കോൺഗ്രസ്ജനകീയ ഉദ്ഘാടനം നടത്തി. സംസ്ഥാന സർക്കാരും ഉദ്യോഗസ്ഥരും പദ്ധതിയെക്കുറിച്ച് ശരിയായി പഠിക്കാതെയും മതിയായ ബഡ്ജറ്റ് വിഹിതം വകയിരുത്താതെയും നിർമിച്ച ലിങ്ക് റോഡിൻറെ കാര്യത്തിൽ ഇരുട്ടിൽ തപ്പുകയാണെന്നും സ്ഥലം എംഎൽഎ മുകേഷ് കാര്യവിവരം ഇല്ലാതെ ഉത്തരവാദിത്വത്തിൽനിന്ന് ഒളിച്ചോടുകയാണെന്നും പാലം ഉദ്ഘാടനം ചെയ്തുകൊണ്ട് എഐസിസി അംഗം ബിന്ദു കൃഷ്ണ പറഞ്ഞു. ഓലയിൽക്കടവിൽനിന്ന് തോപ്പിൽക്കടവ് വരെയുള്ള ഭാഗത്ത് അവസാനഘട്ട നിർമാണ പ്രവർത്തനങ്ങൾക്ക് നേരിട്ട അനിശ്ചിതത്വമാണ് പാലം തുറന്നുകൊടുക്കാത്തതിന് കാരണമെന്നാണ് അധികൃതരുടെ അഭിപ്രായം . നിലവിലുള്ള സ്കെച്ച് പ്ലാൻ പ്രകാരം അനുയോജ്യമല്ലെന്ന് കിഫ്ബിയുടെ എൻജിനീയറിങ് വിഭാഗം നിലപാട് എടുത്തതോടെയാണ് നാലാംഘട്ട നിർമാണം അനിശ്ചിതത്വത്തിലായത്