പോലീസും വീട്ടുകാരും തമ്മിൽ കയ്യാങ്കളി
പോലീസും വീട്ടുകാരും തമ്മിൽ ഉണ്ടായ തർക്കം കൈയേറ്റത്തിൽ കലാശിച്ചു. പരാതി അന്വേഷിക്കാനെത്തിയ കൊട്ടിയം എസ്.എച്ച്.ഒ. പി.വിനോദ്, എസ്.ഐ. സുജിത് സി.നായർ, ഗൃഹനാഥ ചെന്താപ്പൂർ ഉഷസിൽ ഉഷാകുമാരി എന്നിവർക്ക് കയ്യാങ്കളിയെ തുടർന്ന് പരിക്കേൽക്കുകയും ചെയ്തു. അതേസമയം പോലീസിൻറെ കൃത്യനിർവഹണം തടസപ്പെടുത്തി ഉദ്യോഗസ്ഥരെ ആക്രമിച്ചതിന് ഉഷാകുമാരിയുടെ ഭർത്താവ് തുളസീധരൻ പിള്ള, മകൻ സൈന്യത്തിൽ നായക് ആയ കിരൺകുമാർ എന്നിവരെ പോലീസ് ബലം പ്രയോഗിച്ച് കസ്റ്റഡിയിലെടുത്തു. ഞായറാഴ്ച രാത്രി ഏഴരയോടെയായിരുന്നു സംഭവം. സംഭവ ദിവസം രാവിലെ തുളസീധരൻ പിള്ളയും ഏതാനും ആളുകളുമായി തർക്കവും കൈയേറ്റവും ഉണ്ടായി. തുളസീധരൻ പിള്ളയുടെ കൈക്ക് പൊട്ടലുണ്ടായതായും പറയുന്നു. ഇരുകൂട്ടരും കൊട്ടിയം പോലീസിൽ പരാതി നൽകി. പരാതി അന്വേഷിക്കുന്നതിനാണ് പോലീസ് ഞായറാഴ്ച സന്ധ്യയോടെ തുളസീധരൻ പിള്ളയുടെ വീട്ടിലെത്തിയത്.kollamTimesXP MalayalamUpdated: 18 Apr 2023, 9:13 am