ഡിവൈഎഫ്ഐയെ പുകഴ്ത്തി ചെന്നിത്തല
ഡിവൈഎഫ്ഐ പ്രവർത്തകരെ പുകഴ്ത്തി മുൻ പ്രതിപക്ഷ നേതാവ് രമേശ് ചെന്നിത്തല. യൂത്ത് കോൺഗ്രസ് കാസർകോട് ജില്ലാ സമ്മേളനത്തിൽ പ്രസംഗിക്കുകയായിരുന്നു അദ്ദേഹം. മെഡിക്കൽ കോളേജിൽ പൊതിച്ചോറ് വിതരണം ചെയ്തും കൊവിഡ് കാലത്ത് നാട്ടിൽ സജീവമായും ഡിവൈഎഫ്ഐ പ്രവർത്തിച്ചുവെന്നു ചെന്നിത്തല പ്രശംസിച്ചു. "കൊവിഡ് വന്ന കാലത്ത് നമ്മളൊക്കെ യൂത്ത് കെയർ ഉണ്ടാക്കി, പക്ഷേ കെയർ മാത്രം ഉണ്ടായില്ല. അതേസമയം അവിടൊക്കെ ഡിവൈഎഫ്ഐക്കാർ സജീവമായി. ചെറുപ്പക്കാരെ ആകർഷിക്കാൻ എന്തു ചെയ്യണം. പല മെഡിക്കൽ കോളേജുകളിലും വർഷങ്ങളായി പൊതിച്ചോറ് വിതരണം ചെയ്യുന്ന പദ്ധതി ഡിവൈഎഫ്ഐ നടപ്പിലാക്കുന്നു. നമ്മൾ ഓരോ പ്രദേശങ്ങളിലും യൂത്ത് കോൺഗ്രസിൻ്റെ സന്നദ്ധസേവകരെ പോലെ പ്രവർത്തനം നടത്തി നാട്ടുകാരെ കോൺഗ്രസിനു അനുകൂലമാക്കണം"- ചെന്നിത്തല പറഞ്ഞു.kasaragodTimesXP MalayalamUpdated: 3 May 2023, 10:16 pm