Valiyaparamba Island: അറബിക്കടലും കായലും സംഗമിക്കുന്ന വലിയപറമ്പ ദ്വീപ്; സഞ്ചാരികളുടെ സ്വന്തം പറുദീസ
1043 views
കാസർഗോഡ് വീഡിയോസ് സബ്സ്ക്രൈബ് ചെയ്യൂഅറബിക്കടലിന്റെയും കവ്വായി കായലിന്റെയും ഇടയിൽ സ്ഥിതി ചെയ്യുന്ന അപൂർവ ദ്വീപാണ് വലിയപറമ്പ. സഞ്ചാരികളുടെ പറുദീസയായു അറിയിപ്പെടുന്ന ഈ ദ്വീപിനെ ഫിഷിങ് ഗ്രാമം എന്നും വിശേഷിപ്പിക്കുന്നു. കാസർകോട് ജില്ലയിലെ ഹോസ്ദുർഗ് താലൂക്കിലെ വലിയപറമ്പിനെ കവ്വായി കായലാണ് കരയിൽനിന്ന് വേർതിരിക്കുന്നത്. ചെറുവത്തൂരിൽനിന്ന് അഞ്ചു കിലോമീറ്റർ തെക്കു പടിഞ്ഞാറാണ് ദ്വീപ് സ്ഥിതി ചെയ്യുന്നത്. 16.14 സ്ക്വയർ കിലോമീറ്റർ വിസ്തീർണമുള്ള പ്രദേശത്തെ എല്ലാ കോണിലും ടൂറിസം കേന്ദ്രങ്ങളാണ്. പരമ്പരാഗത മത്സ്യത്തൊഴിലാളികളും കൂലിവേലകാരുമാണ് ഇവിടെ കൂടുതലായുമുള്ളത്. പണ്ട് കടത്തുവഞ്ചിയായിരുന്നു ഇവിടേയ്ക്ക് എത്താനുള്ള ഏക വഴി. പിന്നീട് രണ്ട് പാലങ്ങളും ബോട്ട് സർവീസുകളും ആരംഭിച്ചതോടെ ദ്വീപിലേക്കുള്ള സഞ്ചാരികളുടെ ഒഴുക്കും കൂടി. ചെറുവത്തൂർ ഭാഗത്തുനിന്നുള്ളവർക്ക് ഓരിക്കടവ് പാലവും തൃക്കരിപ്പൂർ ഭാഗത്തുനിന്നുള്ളവർക്ക് വെള്ളാപ്പ് പാലം വഴിയും ദ്വീപിലെത്താം. പയ്യന്നൂർ ഒളവറ ഭാഗത്തുനിന്നുള്ളവർക്ക് തൂക്കുപാല ഒരുക്കിയിരുന്നങ്കിലും കരാറുകാരുടെ അനാസ്ഥ മൂലം പാലം തകർന്നു വീഴുകയായിരുന്നു. തീരദേശ പരിപാലന നിയമം നിലനിൽക്കുന്നതിനാൽ വലിയപറമ്പ പഞ്ചായത്തിൽ കെട്ടിട നിർമാണത്തിന് അനുമതി ലഭിക്കുന്നത് കുറവാണ്.കായലിൽ നിന്നും കടലിൽ നിന്നും വേർതിരിക്കപ്പെട്ട ഈ പ്രദേശത്ത് എത്തുന്നവർക്ക് ഭൂപ്രകൃതിയോടൊപ്പം മത്സ്യവിഭവങ്ങളും വലിയ കൗതുകമാണ്. വള്ളക്കാരിൽ നിന്ന് മീൻ നേരിട്ട് വാങ്ങാൻ എത്തുന്നവരും ഏറെ. ബേക്കൽ മുതൽ 30 കിലോമീറ്റർ അകലെ സ്ഥിതി ചെയ്യുന്ന കേരളത്തിലെ ഏറ്റവും മനോഹരമായ കായലും തേജസ്വിനി നദീതീരവും മറ്റൊരു മനോഹര കാഴ്ചയാണ്. നീലേശ്വരം ഭാഗത്തുനിന്നുള്ള പരമ്പരാഗത കെട്ടുവള്ളത്തിലുള്ള വിനോദയാത്രയും സഞ്ചാരികൾക്ക് മികച്ചൊരു അനുഭവമാണ് സമ്മാനിക്കുന്നത്. കൂടാതെ ദ്വീപിലുള്ള തെങ്ങിൻ തോപ്പുകളുടെ മനോഹര ദൃശ്യവും സഞ്ചാരികളുടെ മനം കവരും.