യുവതിയുടെ കൊലപാതകം സിസിടിവി ദൃശ്യങ്ങൾ പുറത്ത്
1026 views
കാസർഗോഡ് വീഡിയോസ് സബ്സ്ക്രൈബ് ചെയ്യൂകാഞ്ഞങ്ങാട് ലോഡ്ജിൽ വെച്ച് യുവതിയെ കൊലപ്പെടുത്തിയ സംഭവത്തിൽ സിസിടിവി ദൃശ്യങ്ങൾ പുറത്ത് . പ്രതി സതീഷ് ദേവികയെ വലിച്ചിഴച്ച് ലോഡ്ജിലേക്ക് കൊണ്ടുവരുന്ന ദൃശ്യങ്ങൾ ആണ് പോലീസിന് ലഭിച്ചത്. നഗരത്തിൽ വെച്ചും ലോഡ്ജിനുള്ളിൽ വെച്ചും യുവതിയെ ബലമായി പിടിച്ചുകൊണ്ടുപോകുന്നതിന്റെ ദൃശ്യങ്ങളാണ് ലഭിച്ചത്. ബ്യൂട്ടിഷ്യൻമാരുടെ യോഗത്തിന് കാഞ്ഞങ്ങാട് എത്തിയതായിരുന്നു ദേവിക. ലോഡ്ജ് മുറിയിൽ എത്തിച്ച ദേവികയെ സതീഷ് കഴുത്തറുത്ത് കൊലപ്പെടുത്തുകയായിരുന്നു. കൊലയ്ക്ക് ഉപയോഗിച്ച കത്തിയുമായാണ് സതീഷ് പോലീസ് സ്റ്റേഷനിൽ കീഴടങ്ങിയത്. അതേസമയം പോലീസ് നടത്തിയ അന്വേഷണത്തിൽ ലോഡ്ജ് മുറിയിൽ നിന്ന് രണ്ട് കത്തികൾ കൂടി കണ്ടെടുത്തു. പ്രതിയുടെ ഫോണും പോലീസ് പരിശോധിച്ച് വരികയാണ്. കൊലപാതകം നടത്തുന്നതിനായി തന്നെയാണ് യുവതിയെ ലോഡ്ജിൽ എത്തിച്ചതെന്നാണ് പൊലീസ് നിഗമനം. ഇതിനായുള്ള ആസൂത്രണം ഏത് വിധത്തിൽ നടത്തിയെന്ന വിവരമാണ് പ്രധാനമായും പൊലീസ് അന്വേഷിക്കുന്നത്.