പല വർണങ്ങളിൽ കൃഷ്ണപ്രതിമകൾ ഒരുക്കി വിഷു വിപണി കാത്ത് രാജസ്ഥാൻ സ്വദേശികൾ |Krishna Statues
1017 views
കാസർഗോഡ് വീഡിയോസ് സബ്സ്ക്രൈബ് ചെയ്യൂവിഷുവിന് ദിവസങ്ങൾ ബാക്കിനിൽക്കേ കണിയായി മാറാൻ ഐങ്ങോത്ത് ദേശീയപാതയിൽ ഇക്കുറിയും കണ്ണന്മാർ ഒരുങ്ങി. പല വർണങ്ങളിൽ ഒരുങ്ങി നിൽക്കുന്ന കൃഷ്ണപ്രതിമകൾ ദേശീയപാതയിലെ ഒരു കൗതുകമാണ്. മഹാമാരി കഴിഞ്ഞു രണ്ടാം തവണ എത്തുന്ന വിഷുവിനെ വരവേൽക്കാനുള്ള ഒരുക്കത്തിലാണ് നാടും നഗരവും. വിഷുപുലരിയിൽ കണികാണാൻ കണിക്കൊന്നയും കണി വെള്ളരിക്കൊപ്പം കൃഷ്ണപ്രതിമയും മലയാളികൾ വയ്ക്കാറുണ്ട്. പല വർണ്ണങ്ങളിൽ നിർമ്മിച്ചടുത്ത കൃഷ്ണ പ്രതിമകൾ വിൽക്കാനുള്ള ഒരുക്കത്തിലാണ് രാജസ്ഥാൻ സ്വദേശിയായ ഗണേശും സംഘവും. കഴിഞ്ഞ 15 വർഷമായി ഗണേശും കുടുംബവും ഐങ്ങോത്തെ വാടകവീട്ടിൽ താമസിച്ചു വരികയാണ്. നിർമ്മാണവും വില്പനയും എല്ലാം ഇവിടെ തന്നെ. കോവിഡ് കാലത്തിനു ശേഷം ഏറെ പ്രതിസന്ധിയിലാണ് വിപണിയെന്നു ഗണേഷിന്റെ സഹായി രമേഷ് പറയുന്നു. കറുപ്പ്, നീല, ചന്ദനം, ചുവപ്പ് എന്നീ നാല് നിറത്തിൽ പല വലുപ്പത്തിലുള്ള വിഗ്രഹങ്ങളാണ് വിപണിയിൽ ആവശ്യക്കാർ ഏറെയുള്ളത്. നീല വർണ്ണത്തിലുള്ള കണ്ണനാണ് മിക്കവർക്കും പ്രിയം. അച്ചുകളും പ്ലാസ്റ്റർ ഓഫ് പാരീസും വൈറ്റ് സിമന്റും ഉപയോഗിച്ചാണ് വിഗ്രഹങ്ങൾ നിർമിക്കുന്നത്.