കാസർകോട് ജില്ലയിലും ബിഹാറിൽ നിന്നുള്ള എൻഐഎ സംഘം എത്തി
കാസർകോട് ജില്ലയിലും എൻഐഎ റെയ്ഡ്. തീവ്രവാദ പ്രവർത്തനത്തിനായി ഹവാലാ പണം ഉപയോഗിച്ചുവെന്ന വിവരത്തെ തുടർന്നാണ് പരിശോധന. മഞ്ചേശ്വരം കുഞ്ചത്തൂരിൽ അബ്ദുൾ മുനീറിന്റെ വീട്ടിലാണ് പരിശോധന നടത്തിയത്. ബിഹാറിൽ നിന്നുള്ള എൻഐഎ സംഘമാണ് എത്തിയത്. മഞ്ചേശ്വരം സ്വദേശിയായ ആബിദിനെ മാർച്ച് ഏഴിന് ബിഹാറിൽ വെച്ചു എൻഐഎ സംഘം കസ്റ്റഡിയിലെടുത്തിരുന്നു. ഇതേ തുടർന്നാണ് മഞ്ചേശ്വരത്തും ആറംഗ എൻഐഎ സംഘം എത്തിയത്. മഞ്ചേശ്വരം പോലീസിന്റെ സഹായത്തോടെ പുലർച്ചെ അഞ്ചരയ്ക്ക് ആരംഭിച്ച പരിശോധന ഒരു മണി വരെ നീണ്ടു. നിരോധിത സംഘടനയായ പിഎഫ്ഐയുടെ പ്രവർത്തകനായ കുഞ്ചത്തൂർ സ്വദേശി ആബിദിനെ എൻഐഎ സംഘം അറസ്റ്റ് ചെയ്തിരുന്നു. ഇയാളിൽ നിന്നും പിടിച്ചെടുത്ത രേഖകളിലാണ് നിന്നാണ് അബ്ദുൾ മുനീറിനെക്കുറിച്ച് വിവരം ലഭിച്ചത്.kasaragodTimesXP MalayalamUpdated: 31 May 2023, 7:19 pm