Onam Bumber: കാസർഗോഡ് 551 പേർ 100 രൂപ വീതം പിരിച്ച് വാങ്ങിയത് 110 ഓണം ബമ്പർ ടിക്കറ്റ്
1004 views
കാസർഗോഡ് വീഡിയോസ് സബ്സ്ക്രൈബ് ചെയ്യൂകാസർകോട് കാഞ്ഞങ്ങാട് വെള്ളിക്കോത്തെ നാട്ടുകുറിയെടുപ്പ് ഇത്തവണയും വലിയ ചർച്ചയായിരിക്കുകയാണ്. 551 പേരാണ് ഒരുമിച്ച് പല ജില്ലകളിൽ പോയി ടിക്കറ്റെടുത്തത്. വെള്ളിക്കോത്ത് കവലയിലെത്തിയാൽ എടുത്ത ടിക്കറ്റിന്റെയും ബമ്പർ എടുത്തവരുടെയും വിവരങ്ങൾ ഉൾപ്പെടുത്തിയ ബോർഡ് കാണാമെന്നതാണ് മറ്റൊരു പ്രത്യേകത. "ഭാഗ്യകടാക്ഷത്തിനായി ഒരു പ്രദേശം ഒരുമിച്ച്..." എന്നെഴുതിയ ബോർഡിൽ മുഴുവൻ ടിക്കറ്റിന്റെയും ഫോട്ടോയുമുണ്ട്. "വെള്ളിക്കോത്തെ ഓട്ടോ തൊഴിലാളികളുടെ നേതൃത്വത്തിൽ നാട്ടിലെ പല മേഖലയിലുള്ളവരെ ചേർത്തുപിടിച്ചുകൊണ്ട് തുടർച്ചയായി നാലാം തവണയും ഭാഗ്യപരീക്ഷണത്തിന് ഒരുങ്ങുകയാണ്..." എന്നാണ് ബോർഡിൽ എഴുതിയിരിക്കുന്നത്. ടിക്കറ്റ് വിൽപന തുടങ്ങിയതുതൊട്ട് വിവിധയിടങ്ങളിൽനിന്ന് ഇവർ ടിക്കറ്റ് വാങ്ങിയിരുന്നു. പിന്നാലെയാണ് കൗതുകക്കാഴ്ചയായി ബോർഡിൽ പേര് എഴുതിയിരിക്കുന്നത്. ഇന്ന് ഉച്ചവരെ ഏതെങ്കിലും ലോട്ടറി അടിക്കുമെന്നായിരുന്നു നാട്ടിലെ പ്രധാന ചർച്ച. ഫലം വന്നപ്പോൾ വിവിധ ടിക്കറ്റുകൾക്കായി 9,000 രൂപയാണ് ലഭിച്ചത്.