67.5 ലക്ഷത്തിന്റെ ഹവാല പണവുമായി ഒരാൾ അറസ്റ്റിൽ | Hawala Money
1008 views
കാസർഗോഡ് വീഡിയോസ് സബ്സ്ക്രൈബ് ചെയ്യൂകാസർകോട് ജില്ലയിൽ ഹവാലാ പണ ഇടപാട് സംഘങ്ങൾ സജീവമാകുന്നു. ഹോസ്ദുർഗ് പോലീസ് നടത്തിയ വാഹന പരിശോധനയിൽ 67.5 ലക്ഷത്തിന്റെ ഹവാല പണം പിടികൂടി. സ്കൂട്ടറിൽ പണം കൊണ്ടുപോകവേ കാഞ്ഞങ്ങാട് പുഞ്ചാവി സ്വദേശി ഹാരിസിനെയാണ് പിടികൂടിയത്. ഹോസ്ദുർഗ് സി.ഐ കെ.പി ഷൈനിന്റെ നേതൃത്വത്തിലായിരുന്നു വാഹന പരിശോധന. നോട്ടുകെട്ടുകൾ രണ്ടു പ്ലാസ്റ്റിക് കവറുകളിൽ അടുക്കിവെച്ച നിലയിലായിരുന്നു. കാസർകോട് ജില്ലയിലെ വിവിധ ഭാഗങ്ങളിലേക്ക് കൊണ്ടു പോവുകയായിരുന്ന പണമാണ് പിടികൂടിയത്. ചിത്താരി കേന്ദ്രമാക്കിയുള്ള സംഘങ്ങളാണ് ഹവാലാ പണം എത്തിക്കുന്നതെന്നാണ് പോലീസ് പറയുന്നത്. മഞ്ചേശ്വരം കഴിഞ്ഞാൽ ജില്ലയിൽ ഏറ്റവും കൂടുതൽ ഹവാല പണ ഇടപാട് നടക്കുന്നത് ഹോസ്ദുർഗ് കേന്ദ്രമാക്കിയാണ്. മാസങ്ങൾക്ക് മുമ്പ് ചിത്താരിയിൽ വച്ച് 20 ലക്ഷം രൂപയുടെ കുഴൽപ്പണവും പിടികൂടിയിരുന്നു.