കിണറ്റില് വീണ കാട്ടുപന്നികളെ വെടിവെച്ചു കൊന്നു
1030 views
കണ്ണൂർ വീഡിയോസ് സബ്സ്ക്രൈബ് ചെയ്യൂകിണറ്റില് വീണ കാട്ടുപന്നികളെ വെടിവെച്ചു കൊന്നു. തലശേരി എരഞ്ഞോളി കൂടക്കളത്ത് വീട്ടുകിണറ്റിലാണ് കാട്ടുപന്നികളെ കണ്ടെത്തിയത്. ആറു കാട്ടുപന്നികളെയാണ് വെടിവെച്ചു കൊന്നത്. കൊട്ടിയൂര് റെയ്ഞ്ചിലെ എം. പാനല് ഷൂട്ടര് സി.കെ വിനോദാണ് പന്നികളെ വെടിവെച്ചുകൊന്നത്. ശനിയാഴ്ച്ച രാവിലെയാണ് കൂടക്കളത്തെ കല്ലംക്കണ്ടി മീനാക്ഷിയുടെ വീട്ടുകിണറ്റില് കാട്ടുപന്നികള് വീണുകിടക്കുന്നതായി കണ്ടെത്തിയത്. ഉടന് വനംവകുപ്പ് ഉദ്യോഗസ്ഥരെ വിവരമറിയിക്കുകയായിരുന്നു. ഈ മേഖലയില് കാട്ടുപന്നികളുടെ ശല്യം വ്യാപകമാണ്. കാട്ടുപന്നികള് കാര്ഷിക വിളകളുള്പ്പെടെ നശിപ്പിച്ചിരുന്നു.