Ancharakandy Panchayat: മാലിന്യം തള്ളുന്നവർക്കെതിരെ വേറിട്ട ശിക്ഷാ രീതിയുമായി അഞ്ചരക്കണ്ടി ഗ്രാമപഞ്ചായത്ത്
1007 views
കണ്ണൂർ വീഡിയോസ് സബ്സ്ക്രൈബ് ചെയ്യൂപൊതുയിടങ്ങളിൽ മാലിന്യം തള്ളുന്നവർക്കെതിരെ വേറിട്ട ശിക്ഷാ രീതിയുമായി അഞ്ചരക്കണ്ടി ഗ്രാമപഞ്ചായത്ത്. കഴിഞ്ഞ ദിവസം പൊതുസ്ഥലത്ത് മാലിന്യം നിക്ഷേപിച്ചവരെ കണ്ടെത്തി 10,000 രൂപ പിഴയടപ്പിച്ചു. മാലിന്യം തള്ളിയവരെ പഞ്ചായത്ത് ഓഫീസിലേക്ക് വിളിച്ചുവരുത്തി മാലിന്യം തള്ളിയാലുള്ള ശിക്ഷയെക്കുറിച്ചുള്ള നിയമപുസ്തകവും വായിച്ചു പഠിപ്പിക്കുകയും ചെയ്തു. കനാലിൽ മാലിന്യം കണ്ടെത്തിയതിനെ തുടർന്ന് നടത്തിയ പരിശോധനയിലാണ് വിദ്യാഭ്യാസ സ്ഥാപനത്തിൽ നിന്നുള്ള മാലിന്യമാണെന്ന് കണ്ടെത്തിയത്. തുടർന്ന് സ്ഥാപനത്തിന് നോട്ടീസ് നൽകിയതിന്റെ അടിസ്ഥാനത്തിൽ മാലിന്യം തള്ളിയ വിദ്യാർഥികളെ ഗ്രാമപഞ്ചായത്ത് ഓഫീസിലേക്ക് അയക്കുകയും ചെയ്തു. സ്ഥാപനത്തിന്റെ അറിവില്ലാതെ വിദ്യാർഥികൾ മാത്രമായി നടത്തിയ യാത്രയയപ്പിന്റെ ഭാഗമായുള്ള ഭക്ഷണമാലിന്യമാണ് ഇവർ കാനലിൽ തള്ളിയത്. ഗ്രാമപഞ്ചായത്ത് നൽകിയ നോട്ടീസിന്റെ അടിസ്ഥാനത്തിൽ വിദ്യാഭ്യാസ സ്ഥാപനത്തിലെ മുഴുവൻ കുട്ടികൾക്കും മാലിന്യസംസ്കരണം സംബന്ധിച്ചു പൊതുബോധം ഉണ്ടാക്കുന്നതിന് ക്ലാസ് നൽകും. ഒറ്റത്തവണ ഉപയോഗിക്കുന്ന പ്ലാസ്റ്റിക്ക് നിരോധനം പൂർണമായും നടപ്പിലാക്കും. എല്ലാ പരിപാടികളിലും ഹരിത പ്രോട്ടോകോൾ പാലിക്കുമെന്നും സ്കൂൾ അധികൃതർ ഉറപ്പുനൽകി. ശുചിത്വ സ്ക്വാഡ് രൂപികരിച്ചു മുഴുവൻ കുട്ടികള കൊണ്ടും ശുചിത്വപ്രതിജ്ഞ എടുപ്പിക്കുമെന്നും സ്ഥാപന അധികൃതർ ഗ്രാമപഞ്ചായത്തിന് രേഖാമൂലം ഉറപ്പു നൽകിയിട്ടുണ്ട്.