Vadavanthur Bridge: വടവന്തൂര്പാലം തുറക്കുന്നു; 60 വർഷത്തെ യാത്രാക്ലേശത്തിന് അറുതിയാകുന്നു
1008 views
കണ്ണൂർ വീഡിയോസ് സബ്സ്ക്രൈബ് ചെയ്യൂവടവന്തൂര്പാലം യാത്രക്കാർക്ക് തുറന്നു കൊടുക്കുന്നു. കഴിഞ്ഞ 60 വര്‍ഷമായി തുടരുന്ന ഒറ്റവരി പാലത്തിലൂടെയുള്ള യാത്ര ക്ലേശത്തിനാണു ഇതിലൂടെ പരിഹാരമാവുന്നത്. കാങ്കോല്‍-ആലപ്പടമ്പ് പഞ്ചായത്തിനെ കാസര്‍കോട് ജില്ലയിലെ മലയോര മേഖലയിലേക്ക് ബന്ധിപ്പിക്കുന്ന പ്രധാന പാലമാണിത്. കുറുവേലി-വടവന്തൂര്‍ തോടിനു കുറുകേ 60 വര്‍ഷം മുമ്പാണ് ഒറ്റവരി പാലം പണിതത്. ജനപ്രതിനിധികളുടെയും നാട്ടുകാരുടെയും നിരന്തരമുള്ള ഇടപെടല്‍ മൂലം സംസ്ഥാന സര്‍ക്കാര്‍ 5.29 കോടി രൂപ പാലം നിര്‍മിക്കാനായി അനുവദിക്കുകയായിരുന്നു. കഴിഞ്ഞ ഡിസംബറില്‍ പാലം യാഥാര്‍ഥ്യമാക്കാന്‍ കര്‍ശന നിര്‍ദ്ദേശം നല്‍കിയെങ്കിലും പാലിക്കപ്പെട്ടിരുന്നില്ല. ഇതോടെ കരാറുകാരനെ കരിപട്ടികയില്‍ ഉള്‍പ്പെടുത്താന്‍ തീരുമാനിക്കുകയായിരുന്നു. തുടർന്ന് ഈ മാസം ഡിസംബറോടെ പണി പൂര്‍ത്തിയാക്കുമെന്ന് കരാറുകാരൻ അറിയിക്കുകയായിരുന്നു. റോഡ് വീതി കൂട്ടി മെക്കാഡമായി മാറിയെങ്കിലും വടവന്തൂര്‍ പാലം വീതികൂട്ടാൻ അധികാരികൾ തയ്യാറായിരുന്നില്ല. മാത്തില്‍ ഗവ.ഹയര്‍സെക്കന്ററി സ്‌കൂള്‍ ഉള്‍പ്പെടെ നിരവധി സ്ഥാപനങ്ങളിലേക്ക് വടവന്തൂരിലുള്ളവര്‍ക്കും തിരിച്ചും കടന്നു പോകാനുള്ള ഏക ആശ്രയമാണ് ഈ പാലം. കഷ്ടിച്ച് ഒരു ബസിന് മാത്രം പോകാന്‍ പറ്റുന്ന പാലത്തില്‍ ജീവന്‍ പണയപ്പെടുത്തിയാണ് വിദ്യാര്‍ഥികള്‍ ഉൾപ്പെടെയുള്ളവർ കാല്‍നടയായി കടന്നുപോകുന്നത്. പാലം പണി വേഗത്തില്‍ പൂര്‍ത്തിയാകാത്തതിന്റെ പേരില്‍ ഡി.വൈ.എഫ്.ഐ ഉള്‍പ്പെടെ പ്രതിഷേധവുമായി രംഗത്തെത്തിയിരുന്നു. കഴിഞ്ഞ വര്‍ഷം സ്ഥലം എം.എല്‍.എ ടി.ഐ മധുസൂതനന്റെ നേതൃത്വത്തില്‍ യോഗം നടന്നിരുന്നു. തുടർന്ന് പാലം പണിയുടെ ഷെഡ്യൂള്‍ തയാറാക്കി കരാറുകാരന് നല്‍കാനും ഇതുപ്രകാരം നിര്‍മാണ പ്രവൃത്തി നടക്കുന്നുണ്ടെന്ന് ഉറപ്പുവരുത്താനും ബന്ധപ്പെട്ട ഉദ്യോഗസ്ഥരെ ചുമതലപ്പെടുത്തിയിരുന്നു. ഇതോടെയാണ് പ്രവര്‍ത്തി വേഗത്തിലാക്കിയത്. വരുന്ന ദിവസം അപ്രോച്ച് റോഡിന്റെ പമി കൂടി തീരുന്നതോടെ വര്‍ഷങ്ങളുടെ കാത്തിരിപ്പിന് വിരാമമാവും.
അനുബന്ധ വീഡിയോ
ലോകത്തെ മുഴുവൻ പെൺകുട്ടികൾക്കായി സമർപ്പിക്കുന്നുവെന്ന് അഭിഭാഷകൻകണ്ണൂർ
ഒരു ഗ്രാമത്തെ മുഴുവൻ നടുക്കിയ കൊലപാതകം; ശരീരത്തിലുണ്ടായത് 29 മുറിവുകൾ, അതിൽ പത്തും കൊലപാതകത്തിന് ശേഷം സംഭവിച്ചത്കണ്ണൂർ
Vishnupriya Murder Case Verdict: വിഷ്ണു പ്രിയ വധക്കേസ് ; പ്രതി ശ്യാംജിത്തിന് ജീവപര്യന്തം തടവ്കണ്ണൂർ
അരനൂറ്റാണ്ടുകാലം മുൻപെയുള്ള ജനകീയ ആവശ്യം, മുഖ്യമന്ത്രിയുടെ മണ്ഡലത്തിൽ പാലം ഒരുങ്ങുന്നുകണ്ണൂർ
Muzhappilangad Beach: സാഹസിക വിനോദ സഞ്ചാരികളുടെ മനം കവരാൻ ലോക നിലവാരത്തിലേക്ക് മുഴപ്പിലങ്ങാട്കണ്ണൂർ
ഇത് അപൂർവ സംഭവം; 20 പെരുമ്പാമ്പിന് മുട്ടകള് ഒറ്റയടിക്ക് വിരിഞ്ഞു, സംഭവം കണ്ണൂരിൽകണ്ണൂർ
ഇവിടെയാരും മീൻ പിടിക്കാറില്ല, തീറ്റിപ്പോറ്റും, മത്സ്യങ്ങളെ ആരാധിക്കുന്ന ഒരു ക്ഷേത്രമുണ്ട് കണ്ണൂരിൽകണ്ണൂർ
Kannur Chithra Chumar: കണ്ണീരോർമ്മയിൽ പിറന്നാൾ ദിനത്തിൽ അമ്മയൊരുക്കിയ ചിത്രവർണ ചുമർകണ്ണൂർ
Kannur Car Accident: അച്ഛാച്ചനൊപ്പം പോകണമെന്ന് വാശി, 8 വയസുകാരൻ കയറി ചെന്നത് ദുരന്തത്തിലേക്ക്, നാടിനെ നടുക്കിയ ദുരന്തംകണ്ണൂർ
ചരിത്രം കോറിയെടുത്ത് ചിത്രകാരൻ, ആനോ നോവലിന് ചിത്രഭാഷ്യമൊരുക്കി പ്രശാന്ത് ഒളവിലംകണ്ണൂർ
Mahe Bridge: മാഹി പാലം പന്ത്രണ്ട് ദിവസം അടച്ചിടുന്നു; വാഹനങ്ങൾ മറ്റുവഴികൾ സ്വീകരിക്കണംകണ്ണൂർ