ഒന്നാന്തരം ഷട്ടിൽ കോർട്ട് നിർമ്മിച്ചു തൊഴിലുറപ്പ് തൊഴിലാളികൾ
1023 views
കണ്ണൂർ വീഡിയോസ് സബ്സ്ക്രൈബ് ചെയ്യൂനല്ല ഒന്നാന്തരം ഷട്ടിൽ കോർട്ട് നിർമ്മിച്ചു തൊഴിലുറപ്പ് തൊഴിലാളികൾ. കാടും തോടും വൃത്തിയാക്കലും മാലിന്യം നീക്കലും മാത്രമല്ല ആധുനിക രീതിയിലുള്ള ഷട്ടിൽ കോർട്ടും നിർമ്മിക്കാൻ കഴിയുമെന്ന് തെളിയിച്ചിരിക്കുകയാണ് ഇവർ.മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയിൽ മിഷൻ 941ൻ്റെ ഭാഗമായി ജില്ലയിൽ ആദ്യത്തെ ഷട്ടിൽ കോർട്ട് പരിയാരം പഞ്ചായത്തിൽ നിർമ്മിച്ചത്. പുളിയൂൽ എസ്.ഡി സാംസ്ക്കാരിക നിലയത്തോട് ചേർന്നാണ് ഷട്ടിൽ കോർട്ട് നിർമ്മിച്ചത്. മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയുടെ പ്രവർത്തനങ്ങൾ കൂടുതൽ ജനോപകാരപ്രദവും ജനകീയവുമാക്കുന്നതിന്റെ ഭാഗമായി ഒരു പഞ്ചായത്തിൽ ഒരു കളിസ്ഥലം എന്ന തോതിൽ 941 കളിസ്ഥലങ്ങൾ നിർമിക്കുന്ന പദ്ധതിയാണ് മിഷൻ 941. തൊഴിലുറപ്പ് പദ്ധതിയുടെ നിലവിലുള്ള മാനദണ്ഡങ്ങൾക്കുള്ളിൽ നിന്നു കൊണ്ട് തന്നെ വ്യത്യസ്ഥങ്ങളായ പദ്ധതികൾ നടപ്പിലാക്കുന്നത്. കണ്ണൂർ ജില്ലയിൽ തൊഴിലുറപ്പ് തൊഴിലാളികളെ ഉപയോഗപ്പെടുത്തി നിർമ്മിച്ച ആദ്യത്തെ ഷട്ടിൽ കോർട്ടാണ് പുളിയൂലിലേത്.