ഓവർസിയറെ ക്വട്ടേഷൻ സംഘം ആക്രമിച്ചു
1025 views
കണ്ണൂർ വീഡിയോസ് സബ്സ്ക്രൈബ് ചെയ്യൂമാലൂർ പഞ്ചായത്ത് ഓവർസിയറെ ക്വട്ടേഷൻ സംഘം ആക്രമിച്ചു. കാറിലെത്തിയ ക്വട്ടേഷൻ ഗുണ്ടാസംഘമാണ് പാനൂർ കൂരാറ സ്വദേശി ചേറോളി വീട്ടിൽ സി കെ രഞ്ജിത്ത് കുമാറിനെ ആക്രമിച്ചത്. കഴുത്തിനും മുഖത്തും നെഞ്ചിലും അടിയേറ്റ രഞ്ജിത്ത് തലശ്ശേരി ഇന്ദിരാഗാന്ധി സഹകരണ ആശുപത്രിയിൽ ചികിത്സയിലാണ്. സംഭവത്തിൽ വിവിധ വകുപ്പുകൾ ചേർത്ത് പോലീസ് കേസെടുത്തു. പഞ്ചായത്ത് ഓഫീസിന് വിളിപ്പാടകലെ വച്ചാണ് കഴിഞ്ഞ ദിവസം രാവിലെ രഞ്ജിത്ത് കുമാറിനെ സംഘം ആക്രമിച്ചത്. സംസ്ഥാനത്തുടനീളം ഓവർസിയർമാർ ആക്രമിക്കപ്പെടുന്നുണ്ടെന്ന് രഞ്ജിത്ത് പറഞ്ഞു. മാലൂർ പോലീസിന്റെ പ്രാഥമിക നിഗമനം സംഭവത്തിന് പിന്നിൽ ക്വട്ടേഷൻ സംഘമാണെന്നാണ്.