World AIDS Day: സംസ്ഥാനത്ത് ഒരു വർഷത്തിനിടെ 1042 പേർക്ക് എച്ച്ഐവി റിപ്പോർട്ട് ചെയ്തുവെന്ന് ആരോഗ്യ വകുപ്പ്
കണ്ണൂർ വീഡിയോസ് സബ്സ്ക്രൈബ് ചെയ്യൂ
സംസ്ഥാനത്ത് 2023 - ജനുവരി മുതൽ ഒക്ടോബർ വരെയുള്ള കാലഘട്ടത്തിൽ എച്ച്.ഐ.വി പോസിറ്റിവായി ചികിത്സ തേടിയത് 1042 പേരാണെന്ന് ആരോഗ്യവകുപ്പ്. കഴിഞ്ഞ വർഷം 1126 പേർക്കാണ് എച്ച്.ഐ.വി രോഗ ബാധ സ്ഥിരികരിച്ചത്. സംസ്ഥാന തലത്തിൽ രോഗികളുടെ എണ്ണത്തിൽ കുറവുണ്ടെങ്കിലും കണ്ണൂർ ജില്ലയിൽ രോഗികൾ വർദ്ധിച്ചിട്ടുണ്ടെന്നും കണ്ണൂർ ജില്ലാ ടി.ബി ആൻഡ് എയ്ഡ്സ് കൺട്രോളർ ഓഫിസർ ഡോക്ടർ രജ്ന ശ്രീധരൻ അറിയിച്ചു. കണ്ണൂരിൽ കഴിഞ്ഞ വർഷം 52 പോസറ്റീവ് കേസുകൾ റിപ്പോർട്ട് ചെയ്തിരുന്നതെങ്കിൽ ഇത്തവണ 62 പേരായി ഉയർന്നുവെന്നും ആരോഗ്യവകുപ്പ് ചൂണ്ടിക്കാട്ടി. ഇതിൽ രണ്ടു കുട്ടികളും ഉൾപ്പെടും. ഒരു ഗർഭിണിയും ട്രാൻസ് ജെൻഡറും ഇതര സംസ്ഥാന തൊഴിലാളികളും എയ്ഡ്സ് രോഗബാധിതരിലുണ്ട്. ഇവർ സർക്കാർ നൽകുന്ന ചികിത്സയിലാണ്. കൃത്യമായ ചികിത്സയിലൂടെ എയ്ഡ്സ് രോഗബാധിതർക്ക് ജീവിതത്തിലേക്ക് തിരിച്ചുവരാൻ സാധിക്കും. പ്രതിരോധ ശേഷി വർധിപ്പിക്കാമെന്നും ജില്ലാ ആർ.സി.എച്ച് ഓഫിസർ ഡോ.ജി. അശ്വിൻ അറിയിച്ചു. ഡിസംബർ ഒന്നിന് അന്താരാഷ്ട്ര എയ്ഡ്സ് ദിനാചരണവുമായി ബന്ധപ്പെട്ടു വിവിധ പരിപാടികളാണ് കണ്ണൂർ ജില്ലയിൽ ആസൂത്രണം ചെയ്തിട്ടുള്ളത്. എയ്ഡഡ് ബോധവൽകരണ പരിപാടി പള്ളിക്കുന്ന് വനിതാ കോളേജിൽ കെ.വി സുമേഷ് എം എൽ എ ഉദ്ഘാടനം ചെയ്യും. എയ്ഡസ് ദിനാചരണത്തിന്റെ ഭാഗമായി ജില്ലയിലെ വിവിധ കേന്ദ്രങ്ങളിൽ സെമിനാറുകൾ, റെഡ് റിബൺ ക്യാംപയിൻ, ദീപം തെളിയിക്കൽ , ടെസ്റ്റിങ് ക്യാംപുകൾ എന്നിവ നടക്കും.