Gopinath Ravindran: സുപ്രീംകോടതി വിധിക്കെതിരെ പുന:പരിശോധന ഹർജി നൽകില്ലെന്ന് ഗോപിനാഥ് രവീന്ദ്രൻ
1037 views
കണ്ണൂർ വീഡിയോസ് സബ്സ്ക്രൈബ് ചെയ്യൂകണ്ണൂർ സർവകലാശാല വൈസ് ചാൻസലർ പുനർനിയമനം റദ്ദാക്കിയ സുപ്രീംകോടതി വിധി അംഗീകരിക്കുന്നുവെന്ന് വൈസ് ചാൻസലർ ഡോ. ഗോപിനാഥ് രവീന്ദ്രൻ. സുപ്രീംകോടതി വിധിക്കെതിരെ പുന:പരിശോധന ഹർജി നൽകുന്നില്ലെന്നും താൻ ആവശ്യപ്പെട്ടിട്ടല്ല പുനർ നിയമനം നടത്തിയതെന്നും നാളെ തന്നെ ഡൽഹി ജാമിയ്യ മിലിയയിലെ ജോലിയിൽ തിരികെ പ്രവേശിക്കുമെന്നും അദ്ദേഹം അറിയിച്ചു. കണ്ണൂർ പയ്യാമ്പലത്തെ ഔദ്യോഗിക വസതിയിൽ മാധ്യമ പ്രവർത്തകരോട് പ്രതികരിക്കുകയായിരുന്നു അദ്ദേഹം. വി സി നിയമനത്തിൽ അധികാരപരിധിയിൽ ബാഹ്യശക്തികൾ ഇടപെട്ടു എന്ന നിരീക്ഷണമാണ് കോടതി നടത്തിയത്. സർക്കാരിനെതിരെ ഇക്കാര്യത്തിൽ ഗവർണർ നേരത്തെ വെളിപ്പെടുത്തൽ നടത്തിയിരുന്നു. ചീഫ് ജസ്റ്റിസ് ഡി വൈ ചന്ദ്രചൂഢ് അധ്യക്ഷനായ ബഞ്ചിന്റേതാണ് വിധി. ജസ്റ്റിസ് ജെ ബി പർദിവാലയാണ് വിധി പ്രസ്താവിച്ചത്.