അറസ്റ്റിലായത് കൊൽക്കത്ത സ്വദേശി പ്രസൂൺജിത്ത് സിദ്ഗർ
ട്രയിൻ തീവെയ്പ്പ് കേസിൽ പ്രതിയുടെ അറസ്റ്റ് രേഖപ്പെടുത്തി. കൊൽക്കത്ത സ്വദേശി പ്രസൂൺജിത്ത് സിദ്ഗർ ആണ് അറസ്റ്റിലായത്. കണ്ണൂർ റെയിൽവെ സ്റ്റേഷൻ എട്ടാം നമ്പർ യാർഡിൽ നിർത്തിയിട്ടിരുന്ന കണ്ണൂർ - ആലപ്പുഴ എക്സിക്യൂട്ടീവ് എക്സ്പ്രസിലാണ് ഇയാൾ തീവെച്ചത്. ഉത്തര മേഖലാ ഐ ജി നീരജ് കുമാർ ഗുപ്തയാണ് പ്രതിയുടെ അറസ്റ്റ് രേഖപ്പെടുത്തിയതായി കണ്ണൂരിൽ മാധ്യമ പ്രവർത്തകരോട് പറഞ്ഞത്. തലശേരിയിൽ നിന്നും പ്രതിയായ ഇയാൾ കണ്ണൂരിലേക്ക് നടന്നത് മൂന്ന് ദിവസം മുൻപാണ്. എന്നാൽ ഭിക്ഷാടനം നടത്താൻ കണ്ണൂരിൽ റെയിൽവെ പൊലിസും ബി.പി.സി. എൽ ജീവനക്കാരും അനുവദിച്ചില്ല. ഇതിന്റെ വൈരാഗ്യവും നിരാശയുമാണ് ട്രെയിനിന് തീയിടാൻ പ്രേരിപ്പിച്ചതെന്നാണ് പ്രതിയുടെ മൊഴി.kannurTimesXP MalayalamUpdated: 2 Jun 2023, 7:38 pm