മൂക്കുപൊത്തി ജനങ്ങൾ; തിരിഞ്ഞുനോക്കാതെ നഗരസഭ
1012 views
കണ്ണൂർ വീഡിയോസ് സബ്സ്ക്രൈബ് ചെയ്യൂപയ്യന്നൂർ നഗരസഭയുടെ മൂക്കിന് തൊട്ടുതാഴെയുളള തോട് മാലിന്യവും ദുർഗന്ധവും പേറുന്ന സ്ഥലമായി മാറിയിരിക്കുകയാണ്. അധികൃതർ എന്ത്കൊണ്ട് ഇത് കാണുന്നില്ല എന്നാണ് പ്രദേശവാസികൾ ഉയർത്തുന്ന ചോദ്യം. മൂക്കുപൊത്തിവേണം ഇതുവഴി പോകാൻ. പയ്യന്നൂർ നഗരത്തിലെ കടകളിൽ നിന്നും മറ്റിടങ്ങളിൽ നിന്നുമുളള മാലിന്യം ഈ തോടിലാണ് തളളുന്നത്. ശുദ്ധജലമൊഴുകേണ്ട തോട്ടിൽ മലിന ജലമൊഴുകുന്നതിനാൽ പകർച്ച വ്യാധി ഭീതിയിലായിരിക്കുകയാണ് പരിസരവാസികൾ. അതികഠിനമായ ദുർഗന്ധമാണ് ഇതിൽ നിന്നും വരുന്നത്. തൊട്ടടുത്ത വീടുകളിലെ പരിസരവാസികൾ മൂക്കുപൊത്തിയാണ് കഴിയുന്നത്. മലിന ജലത്തിൽ കൊതുക് മുട്ടയിട്ട് പെരുകുകയാണ്. രാത്രിയായാൽ കൊതുകിനെ തല്ലിക്കൊല്ലാൻ കൈ ഉയർത്തണമെങ്കിൽ മൂക്കിൽ ക്ലിപ്പ് സ്ഥാപിക്കണമെന്നാണ് പരിസരവാസികൾ പറയുന്നത്. അല്ലെങ്കിൽ അസഹനീയമായ ദുർഗന്ധം അനുഭവിക്കേണ്ടി വരുമെന്നും ഇവർ ചൂണ്ടിക്കാട്ടുന്നു. ഒരുപരിധിവരെ ഇവർ അതികഠിനമായ ദുർഗന്ധത്തെ നേരിടുന്നത് മാസ്ക് ധരിച്ചാണ്.