സിപിഎമ്മിൻ്റേത് കുറുക്കൻ്റെ പോളിസിയെന്ന് കെ സുധാകരൻ
കണ്ണൂർ വീഡിയോസ് സബ്സ്ക്രൈബ് ചെയ്യൂ
ഏകീകൃത സിവിൽ കോഡ് സംബന്ധിച്ച് സിപിഎമ്മിന്റേത് കുറുക്കന്റെ പോളിസിയെന്ന് കെപിസിസി അധ്യക്ഷൻ കെ സുധാകരൻ പറഞ്ഞു. അത് സിപിഎമ്മിന്റെ രാഷ്ട്രീയനയമാണ് എന്നും കോൺഗ്രസിനെയും മുസ്ലീംലീഗിനെയും തമ്മിൽ തെറ്റിക്കാൻ പലപ്പോഴായി സിപിഎം ശ്രമിച്ചിട്ടുണ്ടെന്നും സുധാകരൻ ആരോപിച്ചു. കണ്ണൂർ നടാലിലെ ഭവനത്തിൽ മാധ്യമപ്രവർത്തകരോട് സംസാരിക്കവെയാണ് അദ്ദേഹം ഇക്കാര്യങ്ങൾ പറഞ്ഞത്. മുസ്ലീംലീഗിനെ മുന്നണിയിൽനിന്ന് ഒഴിവാക്കാനുള്ള ശ്രമമാണ് നടക്കുന്നതെന്നും മുസ്ലീംലീഗ് ഒരിക്കലും യുഡിഎഫ് വിട്ടുപോകില്ലെന്നും അദ്ദേഹം കൂട്ടിച്ചേർത്തു. സിപിഎമ്മിന്റെ കെണിയിൽ മുസ്ലീംലീഗ് വീഴില്ലെന്നും ഏകീകൃത സിവിൽ കോഡ് സംബന്ധിച്ച് സിപിഎം കോഴിക്കോട് നടത്താനിരിക്കുന്ന സെമിനാറിൽ മുസ്ലീം ലീഗ് പങ്കെടുക്കില്ലെന്ന് തീരുമാനിച്ചത് ഉചിതമായ തീരുമാനമാണെന്നും കെ സുധാകരൻ പറഞ്ഞു.