Janakiamma Swimming Class: ആയിരത്തിലധികം സ്ത്രീകളെ നീന്തൽ പഠിപ്പിച്ച് ജാനകിയമ്മ
1041 views
കണ്ണൂർ വീഡിയോസ് സബ്സ്ക്രൈബ് ചെയ്യൂഒരു നാട്ടിലെ മുഴുവന്‍ സ്ത്രീകളെയും കുട്ടികളെയും നീന്തല്‍ പഠിപ്പിച്ചിരിക്കുകയാണ് ജാനകിയമ്മ. 11 വര്‍ഷം കൊണ്ട് ആയിരത്തില്‍ അധികം പേരെ നീന്തല്‍ പഠിപ്പിച്ചിട്ടുണ്ടാകാമെന്നാണ് കരുതുന്നതെന്ന് ജാനകി അമ്മ പറഞ്ഞു. ജാനകിയമ്മയുടെ വീടിനോട് ചേർന്ന വയലിനടുത്ത് ചെറിയ കുളം കാണാം. നാട്ടുകാര്‍ പൂവന്‍കുളം എന്നു വിളിക്കുന്ന ഈ കൊച്ചു കുളത്തിലാണ് ജാനകിയമ്മ ആയിരങ്ങളെ നീന്തല്‍ പഠിപ്പിച്ചത്. സ്ത്രീകള്‍ക്കൊപ്പം വരുന്ന അവരുടെ കുട്ടികളെയും വെള്ളത്തിനോടുള്ള ഭയം മാറ്റി മുങ്ങാന്‍ കുഴിയിടാന്‍ സജ്ജരാക്കി. ചുണ്ടയിലുള്ളവര്‍ക്കു പുറമേ സമീപ പ്രദേശത്തെ വീടുകളില്‍ നിന്നും സ്ത്രീകള്‍ നീന്തല്‍ പഠിക്കാനെത്തുന്നുണ്ട്. ഓരോ വര്‍ഷവും വരുന്നവരുടെ എണ്ണം കൂടുന്നുണ്ടെന്നും ജാനകിയമ്മ പറഞ്ഞു. ചിലരെ വെറും മൂന്ന് ദിവസം കൊണ്ട് നീന്തല്‍ പഠിപ്പിച്ചിട്ടുണ്ട്. വെള്ളത്തിനോട് ഭയം മാറ്റുന്ന സമയമെടുത്താല്‍ കൂടിപ്പോയാല്‍ 10 ദിവസം മതി ഒരാളെ പഠിപ്പിച്ചെടുക്കാന്‍. എന്നാല്‍ ഭൂരിഭാഗം പേരും ഒരാഴ്ചയ്ക്കുള്ളില്‍ തന്നെ നീന്തല്‍ വശത്താക്കും. രാവിലെ 11 മണിക്കും വൈകീട്ട് നാലുമണിക്കുമാണ് ഇവിടെ പരിശീലനം. സ്ത്രീകള്‍ അവരുടെ വീട്ടുജോലി കഴിഞ്ഞ ഉടന്‍ പൂവന്‍ കുളത്തിലേക്ക് എത്തും. കുട്ടികളെക്കാള്‍ വേഗത്തില്‍ മുതിര്‍ന്ന സ്ത്രീകളെ പഠിപ്പിക്കാന്‍ പറ്റുമെന്നാണ് ജാനകിയമ്മ അഭിപ്രായപ്പെടുന്നത്. ജൂണ്‍ മുതല്‍ ആരംഭിക്കുന്ന പരിശീലനം ഡിസംബര്‍ വരെ നീളും. ആരോഗ്യം അനുവദിക്കുന്നതുവരെ ഇതു തുടരുമെന്നാണ് ജാനകി അമ്മ പറയുന്നത്. ഭര്‍ത്താവ് കൃഷ്ണനും മകളും പേരമക്കളും പ്രോത്സാഹനവുമായി ഒപ്പമുണ്ട്.
അനുബന്ധ വീഡിയോ
MV Govindan: സോളാർ സമരം അടഞ്ഞ അധ്യായം; സമരത്തിൽ വീഴ്ചകളൊന്നും ഉണ്ടായിരുന്നില്ലെന്ന് എംവി ഗോവിന്ദൻകണ്ണൂർ
"വിദ്യാഭ്യാസമുള്ള കലാസ്നേഹികളായ ജനങ്ങളാണ് കേരളത്തിലേത്"; കണ്ണൂരിൽ അതിഥിയായി ഉസ്താദ് അംജദ് അലി ഖാൻകണ്ണൂർ
Bachoos Thattukada: കണ്ണൂരിലുണ്ട് ആരുടെയും കണ്ണ് തുറപ്പിക്കുന്ന ബോര്ഡുമായി ബച്ചൂസ് തട്ടുകടകണ്ണൂർ
ചരിത്ര രഹസ്യങ്ങളുടെ കാത്തു സൂക്ഷിപ്പുകാരനായി ഇവിടെയുണ്ട് ഒരു വൈദികൻകണ്ണൂർ
വിശാലമായ നടപ്പാത, കടൽ കാറ്റും കടലിന്റെ ഇരമ്പവും, സഞ്ചാരികളെ ആകർഷിക്കുന്ന സീ വ്യൂ പാർക്ക്കണ്ണൂർ
കലയുടെ കേദാരമായി കേരളത്തിൻ്റെ കലാ ചരിത്രത്തിൽ അടയാളപ്പെടുത്തുന്ന മയ്യഴി കലാഗ്രാമംകണ്ണൂർ
നാടന് ബിസ്ക്കറ്റുകള്ക്ക് കൈകള്കൊണ്ട് അച്ചുകള് നിര്മ്മിച്ചു നല്കി വരുന്ന ഏക സ്ഥാപനംകണ്ണൂർ
'ആദ്യ ഭാഗത്ത് എഴുതിയത് ശരിയാണ്; പിന്നെയെല്ലാം ഭാവന'; ജോൺ മുണ്ടക്കയത്തിൻ്റെ അരോപണത്തിൽ ജോൺ ബ്രിട്ടാസ് എംപികണ്ണൂർ
ശ്രീകണ്ഠാപുരത്ത് കൂട്ടത്തല്ല്, കെപിസിസി അംഗം മുഹമ്മദ് ബ്ലാത്തൂർ ഉൾപ്പെടെ 5 പേർക്കെതിരെ കേസ്കണ്ണൂർ
പരേതർക്കുകൂടി ഇവുടെ ഇടമുണ്ട്; വ്യത്യസ്തമാണ് കണ്ണൂരിലെ ഈ റേഷൻ കടയും പുരുഷോത്തമൻ ചേട്ടനുംകണ്ണൂർ
ലോകത്തെ മുഴുവൻ പെൺകുട്ടികൾക്കായി സമർപ്പിക്കുന്നുവെന്ന് അഭിഭാഷകൻകണ്ണൂർ