Suzuki Access 125: സ്കൂട്ടര് കിണറ്റിലെറിഞ്ഞ സംഭവം; സിപിഎം പ്രവർത്തകനെ അറസ്റ്റ് ചെയ്തു
1004 views
കണ്ണൂർ വീഡിയോസ് സബ്സ്ക്രൈബ് ചെയ്യൂസ്കൂട്ടര് കിണറ്റിലെറിഞ്ഞ സംഭവത്തിലെ പ്രതിയെ പോലീസ് പിടികൂടി. സിപിഎം പ്രവര്ത്തകനായ കീഴാറ്റൂരിലെ അഖിലിനെയാണ് പോലീസ് അറസ്റ്റു ചെയ്തത്. ഇയാളെ പിന്നീട് സ്റ്റേഷന് ജാമ്യത്തില് വിട്ടയക്കുകയായിരുന്നു. കോണ്ഗ്രസ് തളിപറമ്പ് മണ്ഡലം സെക്രട്ടറിയും അര്ബന് സഹകരണബാങ്ക് ജീവനക്കാരനുമായ പൂക്കോത്തു തെരുകൊട്ടാരം യുപി സ്കൂളിനു സമീപം താമസിക്കുന്ന മാവില പത്മനാഭൻ്റെ സ്കൂട്ടറാണ് കിണറ്റിലെറിഞ്ഞത്. കിണറ്റില് ഹെല്മെറ്റും സീറ്റുകളും പൊങ്ങികിടക്കുന്നതു കണ്ട് നാട്ടുകാർ പോലീസിനെ അറിയിക്കുകയായിരുന്നു. തുടർന്ന്തളിപറമ്പില്നിന്ന് അഗ്നിശമന സേനയെത്തിയാണ് വെളളത്തില് മുങ്ങിയ സ്കൂട്ടര് ഖലാസികളുടെ സഹായത്തോടെ പുറത്തെടുത്തത്. കൊട്ടാരം യുപി സ്കൂളിന് സമീപത്തെ വീട്ടുമുറ്റത്ത് നിര്ത്തിയിട്ട സുസൂക്കി ആക്സിസ് സ്കൂട്ടറാണ് കിണറ്റില്നിന്ന് പുറത്തെടുത്തത്. നേരത്തെ സ്കൂട്ടറിൻ്റെ സീറ്റുകവറുകള് നശിപ്പിച്ച സംഭവത്തില് സിപിഎം പ്രവര്ത്തകര്ക്കെതിരെ കോണ്ഗ്രസ് നേതാവ് പരാതി നല്കിയിരുന്നു. കേസ് വേണ്ടരീതിയില് അന്വേഷണം നടത്തി പ്രതികളെ പിടികൂടാത്തത് പോലീസിൻ്റെ അനാസ്ഥയാണെന്ന് സ്കൂട്ടർ ഉടമ ആരോപിച്ചു. വ്യാഴാഴ്ച്ച രാത്രി പെയ്ത കനത്ത മഴയുടെ മറവിലായിരുന്നു സ്കൂട്ടര് കിണറ്റിലെറിഞ്ഞത്. വീടും കിണറും തമ്മിലുളള അകലം ഏറെ അകലമുളളതിനാല് മഴ കാരണം ശബ്ദമൊന്നും കേട്ടില്ലെന്നും പത്മനാഭന് പറഞ്ഞു. സംഭവത്തില് പ്രതിഷേധിച്ച അന്പതോളം കോണ്ഗ്രസ് പ്രവര്ത്തകര് തളിപറമ്പ് പോലീസ് സ്റ്റേഷന് ഉപരോധിച്ചു.