ഡിവൈഎഫ്ഐയുടെ ഹൃദയപൂർവ്വം പൊതിച്ചോറ് ആറാം വർഷത്തിലേക്ക്
1019 views
കണ്ണൂർ വീഡിയോസ് സബ്സ്ക്രൈബ് ചെയ്യൂഹൃദയപൂർവ്വം പൊതിച്ചോറ് ആറാം വർഷത്തിലേക്ക്. നിരാലംബർക്ക് കാരുണ്യവുമായി ഡിവൈഎഫ്ഐ നടപ്പിലാക്കുന്ന പദ്ധതിയാണ് ഹൃദയപൂർവ്വം പൊതിച്ചോറ്. ഈ പദ്ധതിയിലൂടെ ഇതുവരെ വിതരണം ചെയ്തത് 12 ലക്ഷം പൊതിച്ചോറുകളാണ്. ഇതിനോട് അനുബന്ധിച്ച് കണ്ണൂർ ജില്ലാ ആശുപത്രിക്ക് സമീപം നടന്ന പൊതിച്ചോർ വിതരണം പി കെ ശ്രീമതി ഉദ്ഘാടനം ചെയ്തു. ഹൃദയപൂർവ്വം പദ്ധതി 2018 ഏപ്രിൽ ഒന്നിനാണ് എ എൻ ഷംസീർ എംഎൽഎ ഉദ്ഘാടനം ചെയ്തത്. കണ്ണൂർ ജില്ലാ ആശുപത്രി, കണ്ണൂർ ഗവൺമെന്റ് മെഡിക്കൽ കോളേജ്, തലശ്ശേരി ജനറൽ ആശുപത്രി, പേരാവൂർ താലൂക്ക് ആശുപത്രി എന്നിവിടങ്ങളിലാണ് പൊതിച്ചോറ് വിതരണം നടത്തുന്നത്. ദിവസവും 500 നും 600 നും ഇടയിൽ പൊതിച്ചോറുകളാണ് പദ്ധതിയിലൂടെ വിതരണം ചെയ്യുന്നത്. ലോക്ക് ഡൗൺ കാലത്തും പൊതിച്ചോർ വിതരണം നടത്തിയിരുന്നു. ഓരോ വീട്ടിൽനിന്നു രണ്ടു മുതൽ അഞ്ചു വരെ ഊണ് ശേഖരിക്കാറുണ്ട്.