സര്വീസ് റോഡ് പൂര്ത്തിയാക്കാതെ ദേശീയപാത നിര്മാണം |National Highway Construction
കണ്ണൂർ വീഡിയോസ് സബ്സ്ക്രൈബ് ചെയ്യൂ
പയ്യന്നൂര് നിര്ദ്ദിഷ്ട ദേശീയപാത നിര്മാണം നടക്കുകയാണ്. എന്നാൽ ഇതിന്റെ പേരിൽ പയ്യന്നൂരിലെ വെള്ളൂര് നിവാസികള് മാസങ്ങളായി ബുദ്ധിമുട്ടിലാണ്. ഇവിടെ നിര്മാണപ്രവൃത്തികള് നടക്കുന്നത് സമാന്തരമായി നിര്മിക്കേണ്ട സര്വീസ് റോഡ് പോലും പൂര്ത്തിയാക്കാതെയാണ്. ഒരാള് പോക്കത്തില് ഇരു ഭാഗത്തും മണ്ണിട്ട് ഉയര്ത്തിയിരിക്കുകയാണ്. ഇതോടെ നിലവിലെ ദേശീയപാതയിലേക്ക് കടക്കാന് പോലും പറ്റാത്ത അവസ്ഥയിലാണ് ആളുകൾ. കോത്തായിമുക്ക് ഭാഗത്തു നിന്നും ആലിന്കീഴില് അണ്ടര്പാസ് വരെയാണ് ഇത്തരത്തിൽ റോഡിന്റെ ഇരുഭാഗത്തും മണ്ണിട്ട് ഉയര്ത്തിയിരിക്കുന്നത്. ഇതോടെ റോഡിന്റെ വീതി കുറഞ്ഞു. വാഹനങ്ങള് അപകടത്തില്പ്പെടുന്നതും പതിവായി. ഇക്കഴിഞ്ഞ തിങ്കളാഴ്ച നടന്ന അപകടത്തിൽ ഒരു സ്ത്രീ ദാരുണമായി മരണപ്പെടുകയും ഇവരുടെ മക്കള്ക്കുള്പ്പെടെ സാരമായി പരിക്കേല്ക്കുകയും ചെയ്തിരുന്നു. ഇതിനു ഉത്തരവാദി ദേശീയപാത അതോറിറ്റിയും പ്രവര്ത്തി ഏറ്റെടുത്ത മേഘ കണ്സ്ട്രക്ഷന് ഗ്രൂപ്പുമാണെന്നും നാട്ടുകാര് ആരോപിച്ചിരുന്നു.