സിപിഎം പാർട്ടി ഗ്രാമത്തിൽ കോൺഗ്രസിന് അട്ടിമറി വിജയം
സിപിഎം പാർട്ടി ഗ്രാമമായ ചെറുതാഴം പഞ്ചായത്തിൽ കോൺഗ്രസ് സ്ഥാനാർത്ഥിക്ക് മിന്നും വിജയം. ഉപതെഞ്ഞെടുപ്പിൽ 80 വോട്ടിനാണ് യുഡിഎഫ് സ്ഥാനാർത്ഥിയായ യു രാമചന്ദ്രൻ വിജയിച്ചത്. സിപിഎം പാർട്ടി ഗ്രാമത്തിൽ കയറി സിറ്റിങ് സീറ്റാണ് കോൺഗ്രസ് സ്ഥാനാർത്ഥി പിടിച്ചെടുത്തത്. കഴിഞ്ഞ തദ്ദേശ സ്വയം ഭരണ തെരഞ്ഞെടുപിൽ ഒരു വോട്ടിനാണ് രാമചന്ദ്രൻ ഇവിടെ പരാജയപ്പെട്ടത്. 25 വർഷങ്ങൾക്കു ശേഷമാണ് ഈ വാർഡിൽ കോൺഗ്രസ് ജയിക്കുന്നത്. സി.പി.എം മൃഗീയ ഭൂരിപക്ഷത്തോടെ ഭരിക്കുന്ന പഞ്ചായത്താണ് ചെറുതാഴം. അതുകൊണ്ടു തന്നെ പാർട്ടി സ്ഥാനാർത്ഥിയുടെ തോൽവി നേതൃത്വത്തിന് തിരിച്ചടിയായിരിക്കുകയാണ്. അതേസമയം കണ്ണൂർ കോർപറേഷൻ പള്ളിപ്രം ഡിവിഷനിൽ നടന്ന ഉപതെരഞ്ഞെടുപിൽ യുഡിഎഫ് സീറ്റ് നിലനിർത്തി. മുസ്ലിം ലീഗിലെ എ. ഉമൈബ എൽഡിഎഫിലെ ടി.വി റുക്സാനയെ 1015 വോട്ടിന് പരാജയപ്പെടുത്തി.kannurTimesXP MalayalamUpdated: 31 May 2023, 5:52 pm