Navakerala Sadas: മുഖ്യമന്ത്രിക്കും മറ്റു മന്ത്രിമാര്ക്കും നേരെ കരിങ്കൊടി പ്രതിഷേധം
1006 views
കണ്ണൂർ വീഡിയോസ് സബ്സ്ക്രൈബ് ചെയ്യൂനവകേരള സദസിനെത്തിയ മുഖ്യമന്ത്രിക്കും മറ്റു മന്ത്രിമാര്ക്കു നെരെ കരിങ്കൊടി പ്രതിഷേധം. കണ്ണൂർ ജില്ലയിലെ കല്യാശ്ശേരിയിലാണ് സംഭവം. കരിങ്കൊടി പ്രതിഷേധം നടത്തിയ യൂത്ത് കോണ്ഗ്രസ് പ്രവര്ത്തകരെ ഡിവൈഎഫ്ഐ- സി പി എം പ്രവര്ത്തകര് ആക്രമിച്ചു. വനിത പ്രവർത്തക ഉള്പ്പടെ നാലുപേര്ക്ക് പരിക്ക് പറ്റിയെന്ന് യൂത്ത് കോൺഗ്രസ് നേതൃത്വം ആരോപിച്ചു. കരുതല് തടങ്കിലില് വെച്ച കെ എസ് യു - യൂത്ത് കോണ്ഗ്രസ് -യൂത്ത് ലീഗ് പ്രവര്ത്തകരെ പൊലീസ് സ്റ്റേഷനില് കയറി ഡി വൈ എഫ് ഐ പ്രവര്ത്തകര് മര്ദ്ദിച്ചതായും ഇതുതടയാന് ചെന്ന പൊലിസുകാരെ മര്ദ്ദിച്ചതായും പരാതിയുണ്ട്. കല്യാശ്ശേരി നിയോജക മണ്ഡലത്തിലെ നവകേരള സദസ്സിന് ശേഷം തളിപ്പറമ്പിലേക്കുള്ള യാത്ര മധ്യേയാണ് മുഖ്യമന്ത്രിക്കും മന്ത്രിമാര്ക്കും നേരെ കരിങ്കൊടി പ്രതിഷേധം നടന്നത്. യൂത്ത് കോണ്ഗ്രസ് ജില്ല വൈസ് പ്രസിഡന്റുമാരായ മഹിത മോഹന് , സുധീഷ് വെള്ളച്ചാലില്, രാഹുല് പൂങ്കാവ് ,സായ് ശരണ് എന്നിവരാണ് കരിങ്കൊടി കാണിച്ച് പ്രതിഷേധിച്ചത്. നവകേരള സദസിന്റെ പേരില് സി പി എം ക്രിമിനലുകള് അഴിഞ്ഞാട്ടമാണ് നടത്തുന്നതെന്നു പ്രതിപക്ഷ നേതാവ് വിഡി സതീശന് ആരോപിച്ചു. കല്യാശ്ശേരിയില് മുഖ്യമന്ത്രിയെ കരിങ്കൊടി കാട്ടിയതിന്റെ പേരില് യൂത്ത് കോണ്ഗ്രസ് - കെ എസ് യു പ്രവര്ത്തകരെ സി.പി.എം ക്രിമനലുകള് തല്ലിച്ചതച്ചു.ജനാധിപത്യത്തില് പ്രതിഷേധിക്കാനുള്ള അവകാശം എല്ലാവര്ക്കുമുണ്ടെന്നും പ്രതിപക്ഷ നേതാവ് പറഞ്ഞു.