തീപിടിച്ചത് ബിപിസിഎൽ ഡീസൽ സംഭരണിക്ക് 100 മീറ്റർ അകലെ
കണ്ണൂരിൽ ഒഴിവായത് വൻ ദുരന്തം. തീപിടിച്ചത് ബിപിസിഎൽ ഡീസൽ സംഭരണിക്ക് 100 മീറ്റർ അകലെ. ഇവിടേക്കുള്ള ഇന്ധനക്കുഴൽ കോച്ചിന് അടുത്താണ്. കണ്ണൂർ ഇതുവരെ കാണാത്ത ദുരന്തമാണ് ഒഴിവായത്. അതേസമയം ഇത് രണ്ടാം തവണയാണ് സമാന രീതിയിൽ കണ്ണൂർ റെയിൽവേ സ്റ്റേഷനിൽ തീവെപ്പുണ്ടാവുന്നത്. കഴിഞ്ഞ ദിവസം രാത്രി തീപടർന്നപ്പോൾ ബൈക്കിൽ ഉൾപ്പെടെ വെള്ളമെത്തിച്ചാണ് തീ കെടുത്തിയത്. ഇന്നു രാവിലെ ഏഴോടെ ബിപിസിഎല്ലിലെ സംഭരണിയിലേക്കുള്ള ഇന്ധനം നിറയ്ക്കാനുള്ള ടാങ്കർ ഘടിപ്പിച്ച ട്രെയിൻ എത്തിയിരുന്നു. ഈ ട്രെയിൻ നിർത്തിയിടുന്ന ട്രാക്കിന് തൊട്ടുത്താണ് തീവെപ്പുണ്ടായ എക്സിക്യൂട്ടീവ് ട്രെയിനും നിർത്തിയിടാറുള്ളത്. ബിപിസിഎൽ ജീവനക്കാർ സംഭരണിയിലേക്കുള്ള പമ്പിങ് പ്രവർത്തനം നടത്തുന്നതും ഇവിടെ വെച്ചാണ്. ഈ സമയത്തൊക്കെ ഡീസൽ പുറത്തേക്ക് പോകുന്നതും കാണാം.kannurTimesXP MalayalamUpdated: 1 Jun 2023, 7:39 pm