മദ്യപിക്കാൻ പണം നൽകിയില്ലെങ്കിൽ മർദനം ചോരക്കണ്ണൻ പിടിയിൽ
1052 views
ഇടുക്കി വീഡിയോസ് സബ്സ്ക്രൈബ് ചെയ്യൂമദ്യപിക്കാൻ പണം നൽകിയില്ലെങ്കിൽ മർദിച്ച് മൊബൈൽ ഫോൺ തട്ടിയെടുക്കും. ശേഷം അത് വിറ്റ് മദ്യപിക്കും. തൊടുപുഴയിലെ ചോരക്കണ്ണൻ എന്ന് വിളിപ്പേരുള്ള സനലിനെ പോലീസ് അറസ്റ്റ് ചെയ്തു. കഴിഞ്ഞ നാലാം തീയതി രാത്രി കൂലിപ്പണിക്കാരനായ തൂക്കുപാലം സ്വദേശിയായ യുവാവാണ് അക്രമത്തിന് ഇരയായത്. ബസ് സർവീസ് അവസാനിച്ചതിനാൽ തൊടുപുഴ ബസ് സ്റ്റാൻഡിൽ കുടുങ്ങിപ്പോയ ഇയാളുടെ അടുത്തേക്ക് അപരിചതനായ ഒരാളെത്തി, ബാർ അടക്കാൻ പോകുകയാണെന്നും അതിനു മുന്നേ മദ്യപിക്കാൻ പൈസ നൽകണമെന്നും ആവശ്യപ്പെട്ടു. തന്റെ കൈവശം പണമില്ലെന്ന് പറഞ്ഞതോടെ അപരിചിതൻ യുവാവിനെ മർദിക്കുകയും പോക്കറ്റിൽ ഉണ്ടായിരുന്ന ഫോൺ തട്ടിപ്പറിക്കുകയുമായിരുന്നു. തുടർന്ന് ഇയാൾ പോലീസിൽ പരാതി നൽകിയതോടെയാണ് സമാനമായ മറ്റൊരു കേസും പോലീസിന്റെ ശ്രദ്ധയിൽപ്പെട്ടത്. ഇതോടെ ചോരക്കണ്ണൻ സനലാണ് പ്രതിയെന്ന് പോലീസ് കണ്ടെത്തി.