സ്ഥാപനയുടമയുടെ രേഖകൾ മോഷ്ടിച്ചു; രണ്ട് പേർ പിടിയിൽ
1012 views
ഇടുക്കി വീഡിയോസ് സബ്സ്ക്രൈബ് ചെയ്യൂകട്ടപ്പനയിൽ പ്രവർത്തിക്കുന്ന അൽഫോൻസാ ടൂർസ് ആൻഡ് ട്രാവൽസ് ഉടമയായ ജോസഫിന്റെ പേരിലുള്ള ആധാരങ്ങളും ചെക്കുകളും മോഷ്ടിച്ച രണ്ട് പേർ ഇടുക്കി കട്ടപ്പന പോലീസിന്റെ പിടിയിലായി. ഇതേ സ്ഥാപനത്തിൽ ജോലി ചെയ്തിരുന്നവരാണ് രേഖകൾ മോഷ്ടിച്ചത്. രേഖകൾ ഉപയോഗിച്ച് ഉടമയെ ഭീഷണിപ്പെടുത്തി പണം തട്ടുകയായിരുന്നു പ്രതികളുടെ ലക്ഷ്യം. കട്ടപ്പന ഇലവൻകുന്നേൽ ജോബി ,തൂക്കുപാലം മേലാട്ട് പ്രവീൺ എന്നിവരെയാണ് പൊലീസ് അറസ്റ്റ് ചെയ്തത്. ജോസഫ് അറിയാതെ ഇവർ പലപ്പോഴായി രേഖകളും ചെക്ക് ബുക്കുകളും കൈക്കലാക്കുകയായിരുന്നു. പിന്നീട് രേഖകൾ പണം നൽകിയാൽ തിരികെ നൽകാമെന്ന് ഭീഷണിപ്പെടുത്തുകയായിരുന്നു. പ്രതി ജോബി തൊഴിൽ ഉടമയോട് ആവശ്യപ്പെട്ടത് അൻപത് ലക്ഷത്തോളം രൂപയാണെന്ന് പൊലീസ് പറഞ്ഞു.